GENESIS 4:16 - Ombibeli Iyapuki

¹⁶ Opo nee Kain okwa dja ko koshipala shOmwene ndele ta ka tula medu laNod koushilo waEden.

GENESIS 4:16 Referans Kwoze

JEREMIA 52:3

Omolwehandu lOmwene Jerusalem naJuda ya monifwa oixuna, fiyo Omwene e va ekelashi koshipala shaye. Ndele Sedekia okwa kala nokutwa ondubo nohamba yaBabilon.

JEREMIA 23:39

onghee hano taleni, Ame ohandi ke mu tumba mo nohandi mu ekeleshi, onye vene noshilando sheni, nde shi mu pa nooxokulu. Ohandi mu kandula po koshipala shange.

JOB 2:7

Ndele Satana okwa dja po koshipala shOmwene, nokwa umbila Job oidinda ii koshi yomhadi fiyo okombada yomutwe.

2 EEHAMBA 24:20

Osheshi omolwehandu lOmwene, eshi sha hanga Jerusalem naJuda, fiyo Ye e va ekelashi koshipala shaye. Ndele Sedekia okwe liteeka ohamba yaBabilon.

2 EEHAMBA 13:23

Ndelenee Omwene okwe va filonghenda ndele e va udila olukeno nokwe va pungulukila omolwehangano lavo naAbraham naIsak naJakob. Ndele Ye ina hala oku va komba po, ndele fiyo opo po ine va ekelashi.

EXODUS 20:18

Ndele ovanhu aveshe eshi va uda endundumo nomapwalakato nondaka yenghuma nova mona omhunda ya dja omwifi, ova kakama nova kala ofika kokule.

GENESIS 4:14

Tala, ove oto taataa nge paife mepya ndele ame ndi na okuhondama oshipala shoye. Ame ohandi ningi epongo nomutewatewi kombada yedu, nakeshe tuu ou ta mono nge, ota ka dipaa nge.”

GENESIS 3:8

Ndele vo ova uda ondaka yOmwene Kalunga, fimbo Ye ta endaenda moshikunino onguloshi, eshi kwa talala. Ndele omulumenhu nomwalikadi waye ova ka hondama Omwene Kalunga momiti domoshikunino.

1 OVATESSALONIKI 1:9

Osheshi ovo vene have tu hepaulula, okuuya kwetu kunye nhumbi kwa li, nanye yo nhumbi mwa amuka koikalunga nomwe uya kuKalunga, mu longele Kalunga omunamwenyo nomunashili,

JOHANNES 1:10

Oye okwa kala mounyuni, nounyuni owa shitwa kuye, nounyuni inau mu dimbulukwa.

JOHANNES 1:3

Aishe oya shitwa kuye, ndele kape na nande oshinima shimwe sha shitwa, eshi inashi shitwa muye.

LUKAS 13:26

Nye otamu hovele okupopya: ‘Hafye tuu ovo twa lile ndele twa nwine moipafi yoye, ndele Ove wa longa momapandavanda etu?’

MATEUS 18:20

Osheshi oku ku na vavali ile vatatu va ongala medina lange, Ame ondi li mokati kavo.”

OMAPSALOME 68:2

Ngaashi omwifi tau i omhepo ngeenge tai pepe, nongaashi edi leenyiki tali dilulwa komundilo, osho yo ovakolokoshi otava hanauka po koshipala shaKalunga.

OMAPSALOME 5:11

Opo nee aveshe ava ve ku lineekela, nave ku hafele; alushe nava kuwilile, molwaashi to va amene, notave ku tanhele ava ve hole edina loye.

JOB 20:17

Ita dulu vali okunyakukilwa omilonga, nomakungulukilo omaadi eenyiki nomashini a pama.

JOB 1:12

Opo nee Omwene ta ti kuSatana: “Tala, aishe e i kwete, oi li meke loye. Ashike ye mwene ino mu kuma neke loye.” Ndele Satana okwa dja po koshipala shOmwene.

GENESIS 4:17

Ndele Kain okwa nangala nomwalikadi waye ndele ye okwa ninga oufimba ndele a dala Henok. Komesho ye okwa tunga oshilando ndele e shi lukila edina lomona waye Henok.

JONA 1:3

Ndelenee Jona okwa fikama a ye onhapo oshipala shOmwene, a ye kuTarsis. Ndele ye okwa ya kuJoppa, oko a mona oskepa tai i kuTarsis. Ndele ye ta futu oimaliwa yokweenda ndele ta londo muyo, a ende pamwe navo kuTarsis, a ye onhapo oshipala shOmwene.