GENESIS 4:1 - Ombibeli Iyapuki

¹ Ndele Adam okwa nangala nomwalikadi waye Eva, ndele ye ta ningi oufimba ndele ta dala Kain, ndele ta ti: “Ame onde limonena omulumenhu kekwafo lOmwene.”

GENESIS 4:1 Referans Kwoze

1 JOHANNES 3:12

tuha fe Kain, ou a dja momunawii nokwa dipaa ondenge yaye. Okwe mu dipaela shike? Osheshi oilonga yaye oya li ii, ndele inya yondenge yaye oya li youyuki.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

GENESIS 4:25

Ndele Adam okwa nangala vali nomwalikadi waye, ndele okwa dala omona okamati ndele e mu luka Set. Osheshi ye okwa ti: “Kalunga okwa pa nge omona umwe ponhele yaAbel, ou a dipawa kuKain.”

GENESIS 5:29

ndele okwe mu luka Noa, osheshi ye okwa tile: “Oye tuu ou te ke tu hekeleka moilonga yetu nomoudjuu woshilonga shomake etu mokulonga kwetu edu eli la fingwa kOmwene.”

NUMERI 31:17

Hano dipaeni po oulume aveshe vomokati kounona. Dipaeni yo omukainhu keshe ou a nangala nomulumenhu.

GENESIS 3:24

Osho hano Ye a taataa omunhu ndele ta tula ovakerubi koushilo woshikunino shaEden, ve na omaongamukonda a xwama omundilo taa taima vo va kelele omhito yokuya komuti womwenyo.

GENESIS 4:2

Komesho okwa dala yo omumwaina Abel. Ndele Abel okwa ninga omufita weedi, ndele Kain omunamapya.

OMAPSALOME 127:3

Heeno, ovana ovamati ovo oshali yOmwene, nokumona oludalo osho ondjabi iwa.