GENESIS 3:7 - Ombibeli Iyapuki

⁷ Opo nee omesho avo aveshe vavali a pashuka, ndele vo ove liwete ve li hamunghele. Ndele vo ova hondjela kumwe omafo omukwiyu, ndele tave liningile omateta.

GENESIS 3:7 Referans Kwoze

JESAJA 59:6

Omaluviluvi avo itaa wana okuninga oshikutu, ngaashi itava dulu okulituvikila noilonga yavo, oilonga yavo oyo oilonga youlunde, ndele ve na oumhulu momake avo.

GENESIS 2:25

Ndele vo aveshe vavali ova li hamunghele, omulumenhu nomukainhu waye, ndele vo inava fya ohoni nande.

GENESIS 3:5

Kalunga oku shi shii nokutya, ngeenge mwe i li, omesho eni otaa pashuka, ndele tamu shiiva ouwa nowii, ngaashi Kalunga.”

JESAJA 28:20

Osheshi omutala otau ka ninga muxupi kwaau ta tandavele ko, nonhanga otai kala inini okulitonyena mo.

2 EEHAMBA 6:20

Ndele vo eshi ve uya kuSamaria Elisa ta ti: “Omwene, pashukifa omesho avo, va mone ko.” NOmwene okwa pashukifa omesho avo ndele tava mono ko, ndele va li pokati kaSamaria!

DEUTERONOMION 28:34

Ndele ove oto ka ya eenghwengu omolwaashishe eshi omesho oye ta tale.

LUKAS 16:23

Ndele mokukala mouyehame moshovafi, eshi sha yelula omesho asho, osha mona Abraham kokule naLasarus mekolo laye.

JESAJA 47:3

Uvukulula ohoni yoye, heeno, noukainhu woye tau ka monika. Ame ohandi ka xwenena, ndele ihandi ka fila nande omunhu onghenda.

OMAIMBILOKEMO 1:8

Jerusalem osha nyona, sha kaulonyanga, onghee sha ninga oshitondwa. Ovatumbaleki vasho aveshe ohave shi dini paife, eshi ve wete shi li hamunghele. Ndele shoovene ohashi hefaana sha pilamena ko.

OVATOKOLIPANGELI 3:2

opo omapupi Ovaisraeli e i shiive, oku va longa okulwa, vo aveke inava shiiva olwoodi nale:

1 OVAKORINTO 12:23

noinhimbu oyo yolutu hatu i tale ihe nefimano, oyo hatu i djaleke nokufewa, naai twe i fya ohoni, ohatu i tuvikile shili;