GENESIS 3:13 - Ombibeli Iyapuki

¹³ Opo nee Omwene Kalunga ta ti komwalikadi: “Ove owa ninga ngahelipi?” Ndele omwalikadi ta nyamukula: “Eyoka la kengelela nge, ndele ame nda lya.”

GENESIS 3:13 Referans Kwoze

2 OVAKORINTO 11:3

Ndelenee onda tila, ngaashi Eva a hongaulwa kekotokelo leyoka, osho omadilongo eni taa nyonauka notaa efa ouyuki noukoshoki mokukala kweni naKristus.

1 TIMOTEUS 2:14

Ndele Adam ina pukifwa, ndelenee omukainhu oye a pukifwa, ndele a nyona.

JOHANNES 18:35

Pilatus okwe mu nyamukula: “Aame Omujuda? Ovanhu vomoshilongo sheni novapristeli ovakulunhu ovo ve ku yandja kwaame; owa ninga shike?”

2 SAMUEL 3:24

Opo nee Joab e uya kohamba ndele ta ti: Ove wa ninga ngahelipi? Tala, Abner e uya kwoove. Omolwashike we mu efa a ye ashike ngaha?

GENESIS 44:15

Opo nee Josef okwe va pula ta ti: “Oshike hano mwa ninga? Inamu shiiva nokutya, omulumenhu ngaashi ame, ohandi dulu okushiiva, kape na omalimbililo.”

1 SAMUEL 13:11

Opo nee Samuel ta pula: “Owa ninga shike?” Ndele Saul ta ti: “Ame nda mona ovakwaita ve lihana po pwaame. Ndele ove eshi ino uya pefimbo la tongwa, nofimbo Ovafilisti va ongala muMikmas,

OVAROMA 7:11

Osheshi oulunde eshi wa mona omhito molwoshipango owa pukifa nge, ndele wa dipaifa nge koshipango.

1 SAMUEL 15:15

Ndele Saul ta ti: “Vo ove di kufa kOvaamaleki, osheshi ovakwaita va xupifa eedi neengobe diwelela ve di yambele Omwene Kalunga koye. Ndelenee dikwao twe di hanauna po.”

GENESIS 12:18

Opo nee Farao okwa ifana Abram ndele ta ti: “Owa ninga nge ngahelipi? Omolwashike ino shiivifila nge nokutya, ou omwalikadi woye?

LEVITIKUS 12:5

Ndelenee ye ngeenge ta dala okaana okakadona, ye e nokukala oivike ivali mokuhayela kwaye ngaashi moumwali. Opo nee ye e nokukala omafiku omilongo hamano naahamano moumwali waye.

1 EEHAMBA 13:18

Ndelenee ye ta ti kuye: “Naame yo omuxunganeki ngaave, ndele omweengeli okwa lombwela nge pandjovo yOmwene ndele ta ti: ‘Mu twala pamwe naave keumbo loye, opo a lye omungome ndele a nwe omeva.’ ” Ye okwe mu lombwela oipupulu.

JONA 1:10

Opo nee ovalumenhu ova tila unene, ndele tava ti kuye: “Oshike wa ninga ngaha?” Osheshi ovalumenhu venya ova li va shiiva, kutya a ya onhapo oshipala shOmwene, osheshi okwe shi va hepaululila.