GENESIS 3:10 - Ombibeli Iyapuki

¹⁰ Ndele ye okwa nyamukula: “Ame onda uda ondaka yoye moshikunino, ndele onda tila, osheshi ondi li hamunghele. Onghee ame onda hondama.”

GENESIS 3:10 Referans Kwoze

GENESIS 2:25

Ndele vo aveshe vavali ova li hamunghele, omulumenhu nomukainhu waye, ndele vo inava fya ohoni nande.

JESAJA 57:11

Ndelenee olyelye ou hano we mu lungama nowe mu tila? Eshi wa ninga omunaipupulu ndele ino dimbulukwa nge vali, ndele ino shi tula momutima woye? Handi ti: Onda mwena nokumwenenena efimbo lile, onghee hano ove wa kala ino tila nge?

JESAJA 47:3

Uvukulula ohoni yoye, heeno, noukainhu woye tau ka monika. Ame ohandi ka xwenena, ndele ihandi ka fila nande omunhu onghenda.

OMAPSALOME 119:120

Olutu lange otali kakama molwoutile, ndele handi tila molwomatokolo oye.

1 JOHANNES 3:20

osheshi omutima wetu ngeenge tau tu hokololifa, Kalunga Oye e dule omutima wetu, noinima aishe oku i shii.

JOB 23:15

Onghee hano ame handi hangika kehaluko koshipala shaye. Ngeenge handi shi diladila, ohandi tila.

EXODUS 3:6

Ye ta ti vali: “Aame Kalunga kooxo, Kalunga kaAbraham, Kalunga kaIsak naKalunga kaJakob.” Opo nee Moses okwa uvika oshipala shaye, osheshi okwa tila okutala Kalunga.

JESAJA 33:14

Ovalunde vomuSion otava haluka novanaihelele otava hangwa kekakamo. Ohava ti: “Olyelye womakati ketu ta dulu okukala po pomundilo hau lyana, nolyelye ta dulu okukala pomutemo alushe?”

EHOLOLO 16:15

“Tala, Ame ohandi uya ngaashi omulunga. Omunelao oyou ha kala oupafi noha diinine oikutu yaye, aha ende hamunghele, ohoni yaye iha monike.”

EXODUS 32:25

Moses eshi a mona ovanhu va ninga ovahaduliki komapukululo, osheshi Aron okwe va efela okuhadulika kwavo, oko kwa hafifa ovatondadi vavo.

GENESIS 3:7

Opo nee omesho avo aveshe vavali a pashuka, ndele vo ove liwete ve li hamunghele. Ndele vo ova hondjela kumwe omafo omukwiyu, ndele tave liningile omateta.

GENESIS 3:11

Ndele Ye okwa tya: “Olyelye e ku lombwela kutya ou li hamunghele? Ove owa lya komuti ou, nde ku kelela okulya?”

EXODUS 20:18

Ndele ovanhu aveshe eshi va uda endundumo nomapwalakato nondaka yenghuma nova mona omhunda ya dja omwifi, ova kakama nova kala ofika kokule.

EXODUS 20:19

Ndele vo va lombwela Moses: “Ove u nokupopya nafye, opo tu shiive okupwilikina. Ndelenee Kalunga Oye mwene ngeno aha popye nafye, tuha fye.”

DEUTERONOMION 5:25

Ndelenee omolwashike fye tu nokufya paife? Osheshi omundilo ou omunene notau tu lungwinifa fye ngeenge ohatu udulula vali ondaka yOmwene Kalunga ketu, ohatu ka fya.

JOB 31:33

Ame nda tuvika tuu omatauluko ange ngaashi ovanhu, nda holeka ngeno owii wange monhulo yange,