GENESIS 3:1 - Ombibeli Iyapuki

¹ Ndele eyoka la li la lungama li dule oifitukuti aishe yomoixwa ei Omwene Kalunga a ninga. Ndele lo ola pula omwalikadi: “Kalunga okwa ti shili: ‘Inamu lya komiti adishe domoshikunino?’ ”

GENESIS 3:1 Referans Kwoze

2 OVAKORINTO 11:3

Ndelenee onda tila, ngaashi Eva a hongaulwa kekotokelo leyoka, osho omadilongo eni taa nyonauka notaa efa ouyuki noukoshoki mokukala kweni naKristus.

2 OVAKORINTO 11:14

Ndelenee kashi fi oshikumwifa! Osheshi naSatana mwene ote lifefa omweengeli wouyelele.

EHOLOLO 12:9

Nongadu inene ya ekelwashi, eyoka likulu, la ifanwa ondiaboli naSatana, ou ta hongaula ounyuni aushe, okwa ekelwa pedu, novaengeli vaye ova ekelwashi yo pamwe naye.

EHOLOLO 20:2

Ye okwa kwata ongadu, eyoka linya likulu, olo ondiaboli naSatana, ndele okwe mu pandeka oule womido eyovi limwe,

MATEUS 4:3

Ndele omuhongauli okwe uya kuye ndele ta ti kuye: “Oove ngeenge Omona waKalunga, lombwela hano omamanya aa a shituke omingome.”

MATEUS 10:16

“Tala, Ame ohandi mu tumu ngaashi eedi mokati komambungu; kaleni hano mwa lungama ngaashi omayoka nongaashi eenghuti muhe na oshipo.

MATEUS 4:6

ndele ta ti kuye: “Oove ngeenge Omona waKalunga, nhukila poshi, osheshi okwa shangwa: ‘Oye ote ku lombwelele ovaengeli vaye, ndele otave ku humbata momaoko avo, uhe lipume omhadi yoye kemanya.’ ”

JESAJA 27:1

Mefiku tuu olo Omwene ota ka tokola, ndele ta tu neongamukonda laye la pama nolinene nolidjuu, Leviatan, eyoka li nonhapo, naLeviatan, eyoka hali ngolyauka, nongadu yomefuta ote i dipaa po.

OMUUDIFI 4:10

Osheshi vo ngeenge tava punduka, umwe ta dulu okuyambula omukwao, ndelenee woo ou umwe, ngeenge ta punduka, ke na omukwao te mu yambula.

MATEUS 4:9

ndele ta ti kuye: “Aishe ei ohandi i ku pe, ngeenge to twile nge eengolo ndele to linyongamene nge.”

1 PETRUS 3:7

Osho vali ovalumenhu nye, kaleni novakainhu veni neendunge ngaashi oiyuma inai pama, nye mu va fimaneke yo, osheshi ovo ovafyuululi vonghenda yomwenyo pamwe nanye, omaindilo eni aha pyakidilwe.

EHOLOLO 12:15

Neyoka la pembela omukainhu omeva, a dja mokanya kalo a fa omulonga, a twaalelwe komulonga.