GENESIS 27:41 - Ombibeli Iyapuki

⁴¹ Ndele Esau okwa tonda Jakob molwenangeko noupuna, olo xe e mu nangeka noupuna. Ndele Esau okwe lipopila momutima waye: “Omafiku okulila eefya datate ngeenge a fiki, mumwameme Jakob ohandi mu dipaa.”

GENESIS 27:41 Referans Kwoze

GENESIS 37:4

Ovamwaxe eshi va mona nokutya, oku holike kuxe komesho yovamwaxe aveshe, vo ove mu tonda, ndele inava shiiva vali okupopya naye nombili.

OMUUDIFI 7:9

Ino endelela okulihandukifa nomwenyo woye, osheshi ehandu tali kala monhulo yelai.

OMAYELETUMBULO 6:14

okukengelela oku li momutima waye, ta diladila alushe oumbudi ndele ta kunu eemhata.

GENESIS 37:8

Opo nee ovamwaxe ove mu lombwela tava ti: “Ove oto ke tu pangela mbela ile oto ka ninga ohamba yetu?” Ndele ove mu tonda unene shi dule nale, molweendjodi daye nomolweendjovo daye.

GENESIS 32:6

Ndele ovatumwa va aluka kuJakob ndele tava ti: “Fye otwa ile kumumwanyoko Esau, ndele ye ote uya e ku shakeneke novalumenhu omafele ane pamwe naye.”

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

HESEKIEL 35:5

Osheshi ove u nehandu laalushe nOvaisraeli we va efela eongamukonda mefimbo lomupya wavo, mefimbo olo oulunde wa fika kexulilo.

OMAYELETUMBULO 1:16

Osheshi eemhadi davo tadi tondokele owii ndele tadi endelele okutilashi ohonde.

OMAPSALOME 142:3

Omhepo yange, nande nai notelwe meni lange, Ove ou shii nokuli, nhumbi ndi li. Mondjila ei handi ende, ova tela nge omiyo meholeko.

OMAPSALOME 37:16

Okaxupinima komuyuki okawa, ke dule oupuna wovahenakonasha naKalunga vahapu.

OMAPSALOME 35:14

Nda li nda kala handi nyika oufiye ngaashi omunhu te u nyikile kaume kaye nomumwaina, nongaashi ou ta lili eenghali daina osho ame nda li handi nyongameke omutwe wange.

2 OMAFIMBO 35:24

Ovapiya vaye ve mu kufa mo metemba loita ndele ve mu nangeka metemba laye limwe, ndele ve mu twala kuJerusalem. Nokwa fya nokwa pakwa meembila dooxe, fimbo Ovajuda aveshe noonakukalamo muJerusalem va lila Josia.

DEUTERONOMION 34:8

Ndele ovana vaIsrael va lila eefya daMoses omafiku omilongo nhatu momaluhaela aMoab. Ndele omafiku okulila eefya daMoses noluhodi molwaMoses a xula po.

GENESIS 35:29

Ndele Isak okwa fuda mo omhepo yaye nokwa fya, ndele okwa ongelwa kovanepata vaye, a kulupa nokwa kuta omwenyo. Novana vaye ovamati, Esau naJakob ove mu paka.

GENESIS 32:11

Xupife nge meke lamumwameme, meke laEsau, osheshi ame ohandi mu tila, ye ote uya okudipaa nge, nooina pamwe nounona vavo.

GENESIS 27:42

Ndelenee Rebeka eshi a shiivifilwa omauko aa aEsau, oshiveli shaye, ye okwa ifana ondenge yaye Jakob ndele ta ti kuye: “Tala, mumwanyoko Esau okwe ku kwatela onghone nokwa a hala oku ku dipaa.

GENESIS 32:3

Ndele Jakob okwa tuma ovatumwa komesho kumumwaina Esau moshilongo shaSeir medu laEdom.

GENESIS 50:2

Ndele Josef okwa lombwela ovapiya vaye ovahakuli, va vaeke xe nomaadi abalsam. Novahakuli va vaeka Israel nomaadi abalsam.

GENESIS 37:18

Ndele vo ove mu monena kokule. Ndelenee fimbo ye ina fika kuvo, vo ova pangela omhangela mekengelelo ve mu dipae.

GENESIS 50:15

Ovamwaxe vaJosef eshi va mona xe a fya vo otava ti: “Kashiimba Josef ota hovele oku tu handukila noku tu shunifa owii molwowii aushe twe mu ningila!”

OMAYELETUMBULO 18:19

Omumwaina a kengelelwa te lipopile e dule oshilando sha pama, neemhata di li ngaashi oiidilifo yohotengulu.