GENESIS 23:16 - Ombibeli Iyapuki

¹⁶ Opo nee Abraham okwa pwilikina Efron, ndele Abraham okwa yelekifila Efron oimaliwa i fike pwaai ya tongwa kuye momatwi ovana vaHet, eesekeli doshisiliveli omafele ane panghedi yoipindi.

GENESIS 23:16 Referans Kwoze

SAKARIA 11:12

Opo tuu ame nde va lombwela, handi ti: “Ngeenge sha wapala kunye, peni nge ondjabi yange, ndele ngeenge hasho, nashi kale. Opo vo ova yeleka ondjabi yange eesekeli doshisiliveli omilongo nhatu.”

JEREMIA 32:9

Ndele ame onda landa olo laHanamel, omutekulu wange, ndele nde mu valela oimaliwa eesekeli oisiliveli omulongo naheyali.

1 OVATESSALONIKI 4:6

ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila.

OVAFILIPPI 4:8

Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni.

OVAROMA 13:8

Inamu kala noshikolo nomunhu, ndele noshikolo shokuholafana osho ashike, osheshi ou e hole mukwao oye a wanifa omhango.

MATEUS 7:12

“Onghee hano, keshe eshi mwa hala ovanhu ve mu ningile, osho va ningileni yo: osheshi omhango novaxunganeki oyo tuu oyo.

HESEKIEL 45:12

Nosekeli i nokuyeleka eegera omilongo mbali. Eesekeli nhano odi nokuyeleka eesekeli nhano, neesekeli omulongo di nokuyeleka eesekeli omulongo, eesekeli omilongo nhano mu noku di yeleka omina.

JOB 28:15

Itau landwa noshingoldoelela, nondado yao itai yelekwa noshisiliveli.

EXODUS 30:13

Keshe umwe ou a valwa e noku li yandja nokutya etata losekeli pasekeli yetwali liyapuki (mosekeli omu neegera omilongo mbali) hano etata losekeli oiyandjiwayambo kOmwene.

GENESIS 43:21

ndelenee fye eshi twa fika konhanda ndele hatu mangulula omakutu etu, oimaliwa yakeshe umwe oya li kombada mekutu laye, oimaliwa yetu ya wana po pakuyeleka, ndele otwe i etelela tu i shunife.

GENESIS 23:15

“Omwene wange, pwilikine nge. Oshitukulwa shedu shi fike peesekeli doshisiliveli omafele ane, oshi na shike pokati ketweni naave? Paka mo omufi woye.”

OILONGA YOVAYAPOSTOLI 7:16

Ndele vo ova twalwa kuSekem, va pakwa mombila ei Abraham e lilandela noimaliwa kovana vaHamor muSekem.

GENESIS 49:29

Opo nee ye e va lombwela ndele ta ti kuvo: “Ame ohandi ka ongelwa kovakwapata vange. Pakei nge pootate mekololo li li monhele yedu laEfron Omuheti,

GENESIS 50:13

ovana vaye ovamati ve mu twala koshilongo shaKaanan, ndele ve mu paka mekololo lonhele yedu laMakpela, onhele tuu ei Abraham a landele ombila yefyuululo kuEfron, Omuheti, moushilo wokuMamre.

2 SAMUEL 14:26

Ndele ye eshi e likululifa omutwe waye, osheshi e likululifa momudo keshe, osheshi da li di noudjuu kuye, oku di humbata, onghee hano e di kululifa, opo nee eexwiki dokomutwe waye da yelekwa neekilograma mbali paekilograma dohamba.

JEREMIA 32:10

Ame onda shanga omushangwa welandakanifo, nde u tula oshihako, ndele nda ifana eendobwedi noimaliwa onde i yelekifa oshiyelekifo.

2 SAMUEL 24:24

Ndelenee ohamba ya nyamukula Arauna: “Ahowe, ndelenee nda hala oku shi landa pandjele yasho, ndele inandi hala okuyambela Omwene Kalunga kange omaxwikiloyambo nde a pewa oshali.” Ndele David okwa landa oshipale neengobe neesekeli omilongo nhano doshisiliveli.