GENESIS 22:7 - Ombibeli Iyapuki

⁷ Opo nee Isak okwa popya naxe Abraham ndele ta ti: “Tate!” Ndele ye ta nyamukula: “Aame ou, mumwange!” Ndele ye ta ti: “Omundilo oyou noikuni oyei, ndele odi yexwikiloyambo oi li peni?”

GENESIS 22:7 Referans Kwoze

OVAROMA 8:15

Osheshi nye inamu pewa omhepo youpika mu kale vali moumbada, ndelenee omwa pewa Omhepo mwaau hatu ifana: “Abba! Tate!”

JOHANNES 18:11

Opo Jesus okwa tya kuPetrus: “Shunifa eongamukonda loye moshilaleko. Eholo eli Tate a pa nge, inandi li nwa mbela?”

MATEUS 26:42

Ndele okwa shuna ko lutivali, okwa indila ta ti: “Tate, ngeenge itashi dulika eholo eli li koye nge inandi li nwa, ehalo loye nali wanifwe.”

MATEUS 26:39

Ndele okwa ehena ko kanini, ndele a wila eombe poshi, okwa indila ndele ta ti: “Tate, ngeenge tashi dulika, eholo eli nali koye nge; ndele hangaashi Ame nda hala, ndelenee ongaashi Ove wa hala.”

EXODUS 12:3

Lombweleni eongalo alishe laIsrael nokutya: Mefiku etimulongo lohani ei keshe umwe muvo, keshe omunyeumbo, e nokukufa odjona, keshe eumbo odjona.

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

JOHANNES 1:29

Efiku la shikula eli ye ota mono Jesus te uya kuye, ndele ta ti: “Tala, Odjona yaKalunga tai kufa po omatimba ounyuni.

JOHANNES 1:36

Ndele mokutala Jesus ou ta ende po, ye okwa tya: “Tala, Odjona yaKalunga.”

EHOLOLO 13:8

Novakwambadayedu otave shi linyongamene, keshe tuu ou edina laye inali shangelwa membo lomwenyo lOdjona ya dipawa, kokudja keshito lounyuni.

GENESIS 22:8

Ndele Abraham okwa nyamukula ta ti: “Kalunga ote ke limonena odi yexwikiloyambo, mumwange.” Osho ngaha vo vavali va enda pamwe.

EXODUS 29:38

“Eshi u noku shi longekida koaltari eshi: oudjona vavali vomudo umwe keshe efiku.