GENESIS 21:12 - Ombibeli Iyapuki

¹² Ndele Kalunga okwa lombwela Abraham: “Ino ninga omwenyo mwii molwomona nomolwomupika woye. Pwilikina Sara mwaashishe eshi te ku lombwele. Osheshi muIsak omo tamu ka dja ovo tava lukwa oludalo loye.

GENESIS 21:12 Referans Kwoze

OVAHEBERI 11:18

Kalunga okwe mu lombwela: “OmuIsak oludalo loye tali ka dja.”

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

1 SAMUEL 8:9

Va uda hano: va londwela shili noku va shiivifila eenghedimhango dohamba oyo tai ke va pangela.

1 SAMUEL 8:7

Opo nee Omwene ta ti kuSamuel: Pwilikina ovanhu mwaashishe tave shi ku lombwele, osheshi vo inave ku ekelashi, ndelenee va ekela nge shi ndiha kale ohamba yavo.

JESAJA 46:10

Ame ou nda holola kehovelo inya tai ke uya, oikulu ei yonale fimbo inai ningwa; Ame ou handi ti: Omhangela yange otai ka kala po, nakeshe eshi nda hala ohandi shi wanifa.

GENESIS 17:21

Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.”

OVAGALATI 4:30

Ndelenee omishangwa otadi ti ngahelipi? “Taataa mo omupika nomona, osheshi omona womupika ita dulu okufyuulula pamwe nomona womudalwa.”