GENESIS 2:22 - Ombibeli Iyapuki

²² Ndele Omwene Kalunga okwa tunga olupati e li kufa momunhu, omukainhu, ndele te mu eta komunhu.

GENESIS 2:22 Referans Kwoze

1 TIMOTEUS 2:13

Osheshi Adam okwa shitwa tete, Eva okonima.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

OMAYELETUMBULO 19:14

Eumbo nemona olo efyuululifo looxe, ndelenee omwalikadi e neendunge ota di kOmwene.

OMAYELETUMBULO 18:22

Ou a mona omwalikadi, ye a mona elao, ndele a mona ohokwe yOmwene.

GENESIS 2:19

Ndele Omwene Kalunga okwa ma nedu oinamwenyo aishe yomoixwa needila adishe dokeulu, ndele Ye okwe i eta komunhu a tale nhumbi te i luku. Ndele naanaa ngaashi omunhu a luka oinamwenyo aishe, osho omadina ayo e na okukala.

OMAPSALOME 127:1

Omwene, ngeenge haye omudikifi weumbo, ovadiki valo otava kendabala oshimha. Omwene ngeenge ita amene oshilando, omunangeli ota kelele oshimha.