GENESIS 19:5 - Ombibeli Iyapuki

⁵ Ndele vo ova ifana Lot ndele tava ti kuye: “Ovalumenhu ava ve uya nena kwoove ove li peni? Va eta pondje kufye opo tu nangale navo.”

GENESIS 19:5 Referans Kwoze

OVATOKOLIPANGELI 19:22

Fimbo tava hafifa eemwenyo davo, ovalumenhu vomoshilando, ovalumenhu vai, va dingilila eumbo, ndele tava konghola unene konhu; ndele tava popi nomulumenhu a kulupa, omwene weumbo, ndele tava ti: “Omulumenhu ou e uya meumbo loye, mu eta kufye, tu nangale naye.”

JUDAS 1:7

Ngaashi Sodom naGomorra nomikunda domoushiinda wayo, eshi va li moluhaelo panghedi yavo nova puka nokushikula ouhalu wombelela, paenghedi dihe fi dopaushitwe, ova ninga edidiliko eshi va hepekwa nehepeko lomundilo waalushe.

JESAJA 3:9

Ehololo lomoipala yavo tali va pe oushima, nomanyono avo otave a popi movanhu ngaashi Ovasodom, ihava holeke nande osha. Woo kuvo shaashi tave liningile voovene owii.

LEVITIKUS 18:22

Ino nangala nomulumenhu ngaashi tashi nangalwa nomukainhu. Osho oixuna yongaho!

1 TIMOTEUS 1:10

novahaeli nomashenge, ovavaki vovanhu, ovanaipupulu novaani voipupulu nakeshe eshi shi nondubo nomalongo a yuka,

1 OVAKORINTO 6:9

Mboli kamu shi shii nokutya, ava vehe fi ovayuki itava fyuulula ouhamba waKalunga? Inamu puka, ovahaeli novakaleli voikalunga, novanyoni vohombo nomashenge, novahaeli vomashenge,

HESEKIEL 16:51

Samaria mokunyona ina fika nande ketata loulunde woye. Ove wa hapupalifa oixuna yoye, u va dule, ndele ove noixuna yoye aishe we i longa, wa yukipalifa ovamwanyoko ovakainhu.

2 TIMOTEUS 3:13

Ndelenee ovanhu vai novakengeleledi otava ka ehena komesho mowii nokupukifa nokupuka.

HESEKIEL 16:49

Tala, oulunde womumwanyoko omukainhu Sodom owo: ye novana vaye oukadona va kala melinenepeko nomeloolo leendja nometulumuko lihe na oshisho, ndelenee ye ina pameka okwooko kwohepele nokwomukwanaluhepo.

JEREMIA 6:15

Vo otava ka fifwa ohoni, shaashi ova longa oixuna, voovene inava shiiva okufya ohoni, vehe neudito lohoni, onghee ove nokufila pamwe noonakudipawa. Pomafiku enya nge handi va handukile, otava ka xutuka, Omwene osho ta ti.

JEREMIA 3:3

Nodula oya kelelwa ko, nodula yokulombo inai uya, ndele ove owa li u nomesho ombwada, ove ino hala okufya ohoni.

JESAJA 1:9

Omwene womatanga ovakwaita ngeno ine tu xupifila oixupe, ei ya xupa, ngeno otwa kala ngaashi Sodom notwa ninga ngaashi Gomorra.

LEVITIKUS 20:13

Nomulumenhu ngeenge ta nangala nomulumenhu ngaashi tashi nangalwa nomukainhu, vo aveshe vavali va ninga oshififahoni. Vo ve nokudipawa shili. Ve litula monhiko.

2 PETRUS 2:2

Notava ka shikulwa kuvahapu meenghedi davo dii, nomolwavo ondjila yoshili tai ka shekwa.

2 PETRUS 2:7

Ndelenee okwa xupifa Lot, omuyuki kwa li a yehamekwa keenghedi dovalundakani va kala moixuna yokuwanifa ouhalu;

GENESIS 19:6

Opo nee Lot okwa pita mo nokwa ya kuvo komesho yoshivelo ndele ta idile oshivelo konima yaye,

DEUTERONOMION 23:17

“Movana oukadona Ovaisraeli muha kale nande ombwada, ndele movana ovamati Ovaisraeli muha kale nande omumati omufifahoni.

1 EEHAMBA 14:24

Noko kwa li ku na ovalumenhu ve li moumbwada meenhele domamenghulilo ovapaani. Ovajuda ova shikula oilonga aishe yoixuna yoiwana yovapaani, inya Omwene a taataa komesho yOvaisraeli.

1 EEHAMBA 22:46

Nokwa mana po moshilongo oshixupe shovalumwanhufu va li va fiwa mo pomafiku axe Asa.

HESEKIEL 16:50

Ndele vo eshi ve linenepeka ndele va ninga oixuna koshipala shange, Ame eshi nde shi mona, onde va ta po.