GENESIS 19:25 - Ombibeli Iyapuki

²⁵ ndele Ye okwa hanauna po oilando ei nefilu alishe laJordan, nosho yo oonakukalamo aveshe voilando naashishe sha mena mo.

GENESIS 19:25 Referans Kwoze

OMAPSALOME 107:34

edilopya okwe li ninga edu loshimongwa, omolwoulunde wovanhu ava ve li mo.

GENESIS 14:3

Vo aveshe ova ongela omatanga avo ovakwaita molufilu laSiddim nokutya Efuta lOmongwa.

GENESIS 13:10

Opo nee Lot okwa yelula omesho aye ndele ta mono kutya olufilu alishe lokuJordan oli na omeva mahapu. Pefimbo opo Omwene ina hanauna po manga Sodom naGomorra, lo la li kombinga yaSoar ngaashi oshikunino shOmwene, ngaashi edu laEgipiti.

2 PETRUS 2:6

Noilando inya Sodom naGomorra okwe i xwika po nokwe i tokolela enyonauko nokwe i ninga edidiliko lokulondwela ovalunde tave va shikula komesho.

GENESIS 13:12

Abram okwa fyaala medu laKaanan, ndele Lot okwa tula moilando yomolufilu lokuJordan ndele okwa kala meehambo daye nokweehena fiyo okuSodom.

DEUTERONOMION 29:23

heeno, mosulfuri nomongwa, edu alishe eshi la pya, itali kunwa vali ndele itali mene, noimeno itai twiyuka, ngaashi pa li mefimbo linya Sodom naGomorra, Adma naSeboim ya hanaunwa po, Omwene eshi e i hanauna po moupyuhandu waye.

JESAJA 13:19

Heeno, osho Babilon, oulenga woilongo netumbalo lOvakaldea, otashi ka ningwa ngaashi Kalunga a ninga eshi a hanauna po Sodom naGomorra.

JEREMIA 20:16

Heeno, omulumenhu ou na ningwe ngaashi oilando inya ya hanaunwa po kOmwene ehe nonghenda. Na ude onghuwo mefimbo longula neweelelo loita omutenya,

JEREMIA 49:18

Ngaashi Sodom naGomorra noilando yayo yomoushiinda ya hanaunwa po, Omwene ta ti, osho yo omo muEdom kamu na ou ta kala mo, omona womunhu ita kala mo.

JEREMIA 50:40

Ngaashi pa kala mefimbo linya Kalunga a hanauna po Sodom naGomorra noilando yomoushiinda, Omwene osho ta ti, nosho yo musho itamu ka kala nande umwe e nonhele yaye, ahowe, nande omona umwe womunhu.

OMAIMBILOKEMO 4:6

Osheshi oulunde womona okakadona, oshiwana shange, u dule waSodom, osho sha hanaunwa po mefaukilo, inashi kumwa nande keke lomunhu.

HESEKIEL 16:50

Ndele vo eshi ve linenepeka ndele va ninga oixuna koshipala shange, Ame eshi nde shi mona, onde va ta po.

AMOS 4:11

“Ame nde mu hanauna po ngaashi Kalunga a hanauna po Sodom naGomorra, opo nye mwa li ngaashi oshikuni sha nakulwa momundilo. Ndele nande ongaha, nye inamu alukila kwaame, Omwene ta ti.

JEREMIA 23:14

Ndelenee movaxunganeki vomuJerusalem onda hanga mo oixuna yongaho inene; vo ohava teya ohombo nohava ende noipupulu. Vo ohava pameke omake ovalongi vowii, nosho ngaha itapa monika nande umwe te lidilulula kowii waye. Vo aveshe ove li moipafi yange ngaashi Sodom, noonakukalamo musho ngaashi Gomorra.”

SEFANIA 2:9

Osho hano ngaashi ndi nomwenyo, Omwene womatanga ovakwaita Kalunga kaIsrael ta ti: Moab otashi ka ningwa ngaashi Sodom, novana vaAmmoni ngaashi Gomorra, nokutya onhele youlilifa nomakango omongwa nombuwa fiyo alushe. Oshixupe shovanhu vange tave ke shi luwa novaxupifwa voshiwana shange tave ke va fyuulula.