GENESIS 19:16 - Ombibeli Iyapuki

¹⁶ Ndele ye okwa li ta ongaonga natango. Opo nee ovalumenhu ve mu kwata momaoko, nomwalikadi waye novana vaye oukadona vavali, osheshi Omwene okwa li a hala oku mu fila onghenda. Ndele vo ove va pitifa mo ndele ve va twala pondje yoshilando.

GENESIS 19:16 Referans Kwoze

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,

TITUS 3:5

Oye okwe tu xupifa hamolwoilonga youyuki twe i longa ngeno, ndelenee opafilonghenda laye kekosho ledalululo noleshitululo lOmhepo Iyapuki,

2 OVAKORINTO 1:3

Kalunga naXe yOmwene wetu Jesus Kristus na hambelelwe, oXe yefilonghenda naKalunga kehekeleko alishe,

JOHANNES 6:44

Kape na ou ta dulu okuuya kwaame okuninga Tate, ou a tuma nge, te mu shili. Ndele handi mu nyumuna efiku laxuuninwa.

LUKAS 18:13

Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’

OMAIMBILOKEMO 3:22

molwouwanghenda wOmwene fye inatu kombwa po sheke, osheshi omafilonghenda aye kaena apa taa xulu po;

JESAJA 63:9

Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.

OMAPSALOME 136:1

Panduleni Omwene, osheshi Oye omuwa! Osheshi alushe ouwanghenda waye tau kala po.

OMAPSALOME 119:60

Ohandi uluma ndele itandi kanghama, ndi wanife oipango yoye.

OMAPSALOME 118:1

Hambeleleni Omwene, osheshi Oye omuwa, ouwanghenda waye otau kala po alushelushe.

OMAPSALOME 111:4

Oye okwa dika oshidimbulukifo shoikumwifalonga yaye; Omwene Oye omunamutimanghenda nomunalukeno.

OMAPSALOME 107:1

Hambeleleni Omwene, osheshi Oye omuwa, osheshi ouwanghenda waye otau kala po fiyo alushe:

OMAPSALOME 106:8

ndelenee Ye okwe va xupifa molwedina laye, okuholola eenghono daye.

OMAPSALOME 106:1

Halleluya! Hambeleleni Omwene, osheshi Oye omuwa, ouwanghenda waye tau kala po fiyo alushe.

OMAPSALOME 103:13

ngaashi xe ta file ounona vaye onghenda, Omwene osho ha file onghenda ava have mu tila.

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

OMAPSALOME 86:5

Osheshi Omwene, Ove u nonghedi iwa, u yadi ekufilo, Ove u nolukeno naava have ku ifana.

OMAPSALOME 34:12

Omulumenhu olyelye, ou ehe nohokwe nokukalamwenyo nokuhola omafiku opo a mone ouwa?

1 OMAFIMBO 16:34

Hambeleleni Omwene, osheshi Oye omuwa, ouwanghenda waye tau kala po fiyo alushe.

DEUTERONOMION 4:31

Osheshi Omwene Kalunga koye Ye oKalunga omunefilonghenda. Ye ite mu efele ndele ite mu undwile mehanauno. Ndele Ye ita dimbwa ehangano Ye e li anenene ooxo.

NUMERI 14:18

‘Omwene Ye omutalanheni, omunene mouwanghenda, ou ta dimi po oilonga ii nomatauluko, ndele ita efa ina handukila, Ye ou ta kongolola po omanyonauno ooxe fiyo oludalo olutitatu nolutine.’

EXODUS 34:6

Ndele Omwene eshi a enda puye okwa ingida ta ti: “Omwene Kalunga omunefilonghenda, Kalunga omunanghenda, omunanheni, nomunene mouwanghenda nomoudiinini,

OVAROMA 9:18

Hano Oye ta filonghenda ou Ye a hala, nota kukutike ou Ye a hala.

JOSUA 6:22

Ndele Josua okwa lombwela ovalumenhu venya vavali va lavele oshilongo ta ti: “Indeni meumbo lombwada ndele pitifeni mo omukainhu naaveshe ava ve li puye, ngaashi mwe mu anena.”

2 PETRUS 2:7

Ndelenee okwa xupifa Lot, omuyuki kwa li a yehamekwa keenghedi dovalundakani va kala moixuna yokuwanifa ouhalu;

GENESIS 19:15

Ndele eluwa eshi la hovela okutenda, ovaengeli ova ulumika Lot ndele tava ti: “Fikama, kufa omwalikadi woye novana voye oukadona vavali, ava ve li pwoove, opo muha nyonaunwe po molwoukolokoshi woshilando.”

EXODUS 34:7

nouwanghenda waye te u diinine kovanhu omayovi, ou ta dimi po omanyonauno nomatauluko nomatimba, ndelenee Ye ita efa okuhandukila nokukongolola omanyonauno ooxe kovana nokovatekulu fiyo okepupi etitatu netine.”

DEUTERONOMION 5:15

Ndele dimbulukwa nokutya, ove owa li omupika medu laEgipiti, nOmwene Kalunga koye e ku pitifa mo neke li neenghono nokwooko kwa yeluka. Onghee hano Omwene Kalunga koye e ku lombwela u diinine efiku lEshabata.

DEUTERONOMION 6:21

Opo nee ove u nokulombwela omona woye omumati: ‘Fye otwa li ovapika vaFarao muEgipiti, ndelenee Omwene okwe tu pitifa mo muEgipiti neke laye li neenghono.

DEUTERONOMION 7:8

Ndelenee Omwene eshi e mu hole nokwa li a hala okudiinina eano Ye e li anenene ooxo, onghee hano Omwene e mu pitifa mo neke li neenghono meumbo loupika, meke laFarao, ohamba yaEgipiti.

OMAPSALOME 32:10

Omahepeko ovahenakalunga oku li po mahapu; ndelenee ou te lineekele Omwene, ota dingililwa konghenda.

OMAPSALOME 33:18

Tala, eisho lOmwene otali taalele kwaava have mu tila, okwaava va teelela ouwanghenda waye,

OMAPSALOME 33:19

a xupife eemwenyo davo mefyo, Ye e va palule mondjala, vaha fye.

GENESIS 43:10

Heeno, ngeno okwa li inatu ongaonga, ngeno osho otwa aluka nokuli olutivali.”