GENESIS 18:9 - Ombibeli Iyapuki

⁹ Ndele ova tya kuye: “Omwalikadi woye Sara oku li peni?” Ndele ye ta nyamukula: “Oku li metwali.”

GENESIS 18:9 Referans Kwoze

TITUS 2:5

ndele va kale ve neenghedi diwa novakoshoki ve shii okutekula omaumbo avo, ve nomwenyo muwa, ndele tava dulika kovalumenhu vavo vene, opo ondjovo yaKalunga iha shekifwe.

GENESIS 24:67

Ndele Isak okwe mu twala monduda yaina Sara, ndele okwa tambula Rebeka, ndele okwa ninga omwalikadi waye. Ndele ye okwa li e mu hole. Osho ngaha Isak a hekelekwa kefyo laina.

GENESIS 31:33

Opo nee Laban okwa ya mofaila yaJakob nomofaila yaLea nomofaila yovapika venya vavali, ndelenee ina mona mo sha. Ndele ye eshi a pita mo mofaila yaLea okwa ya mofaila yaRakel.

GENESIS 4:9

Opo nee Omwene okwa tya kuKain: “Ondenge yoye Abel oi li peni?” Ndele okwa nyamukula: “Ame nghi shi shii. Aame mbela omufita wondenge yange?”

OVAHEBERI 11:9

Meitavelo okwa kala omunailongo medu leudaneko la fa lihe fi laye, nokwa li ha kala momatwali pamwe naIsak naJakob, ovafyuululi veudaneko pamwe naye,

GENESIS 3:9

Opo nee Omwene Kalunga okwa ifana omulumenhu ndele ta ti kuye: “Ou li peni?”

GENESIS 18:8

Ndele ye okwa kufa omaadi nomashini, nonhana ei ya pyakudukwa ndele te i tula puvo, fimbo ye mwene e li ofika momudile womuti. Ndele vo ova lya.

GENESIS 18:10

Ndele Ye ta ti: “Ame ohandi ke uya vali kwoove moudwaali, nohandi ka hanga Sara, omwalikadi woye, e na okaana okamati.” Ndele Sara okwa li ta pwilikine poshivelo shetwali konima yaye.