GENESIS 18:21 - Ombibeli Iyapuki

²¹ Ame onda hala okukolokela poshi nokutala ngeenge ova ninga tuu shili ngaashi onghuwo yavo ya fika kwaame, ile hasho. Onda hala oku shi shiiva.”

GENESIS 18:21 Referans Kwoze

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

GENESIS 11:5

Opo nee Omwene okwa koloka ndele te uya poshi okutala oshilando noshungo ei ya tungwa kovanhu.

SEFANIA 1:12

Ndele mefimbo tuu olo Ame ohandi ka hadahada Jerusalem neelamba, ndele handi ka kongolola ovalumenhu ava va pamekwa konhafi yavo, ava hava ti momitima davo: “Omwene ita ningi nande ouwa ile owii.”

MIKA 1:3

Osheshi, tala, Omwene ota di mo monhele yaye ta kulukile poshi, ndele ta ende kombada yoikulundudu yedu.

JEREMIA 17:10

Aame Omwene, Ame ohandi konakona omutima nokuyeleka eefiyo, opo ndi va pe keshe umwe shi fike pokweenda kwaye noshi fike poiimati yoilonga yaye.

JOSUA 22:22

“Kalunga koikalunga, Omwene, heeno, Kalunga koikalunga, Omwene, Ye e shi shii! NaIsrael yo na kale e shi shii! Fye ngeenge twa twa ondubo ile twe liteeka Omwene, Omwene ino tu kwafa nena eli,

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

EXODUS 33:5

Osheshi Omwene okwa li a lombwela Moses: “Lombwela ovana vaIsrael: ‘Nye oshiwana shi nofingo ikukutu. Ame ngeno ndi kale punye mepakumo leisho Ame ngeno handi mu nyono po. Ndelenee kufeni hano paife omawapeko eni oufuuli, opo ndi shiive okudiladila eshi handi mu ningile.’ ”

GENESIS 11:7

Tu yeni, tu kolokeni, fye tu dongakanifeni elaka lavo, opo vehe liude omunhu namukwao.”

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

1 OVATESSALONIKI 4:16

Osheshi Omwene Ye mwene ota ka londoloka keulu neingido lelombwelo nondaka yomweengeli omukulunhu nekweno lenghuma laKalunga, ovafi ovo va fila muKristus, otava ka nyumuka tete,

2 OVAKORINTO 11:11

Oshike hano? Osheshi ame nghi mu hole mbela? Kalunga e shi shii.

JOHANNES 6:38

Osheshi Ame nda dja keulu hakuwanifa ehalo lange mwene, ndelenee ehalo laau a tuma nge.

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

JEREMIA 17:1

Etimba laJuda ola shangwa noshishangifo shoshivela nonhele yodiamande, la shatelwa moshitaafula shomomutima wavo nomeembinga deealtari deni.

OMAPSALOME 90:8

Owii wetu u kaleka ofika koshipala shoye, noiholekwa yetweelela oto i holola ya yela koshipala shoye.

JOB 34:22

Kaku noshiwiwili ile omulaulu fokofoko omu ovalongi vowii hava dulu okuhondama.

DEUTERONOMION 13:3

opo nee ino pwilikina eendjovo domuxunganeki ile domulumenhu ou, ta tu ondjodi, osheshi Omwene Kalunga keni ote mu tale, opo a shiive ngeenge omu hole tuu shili Omwene Kalunga keni nomutima aushe nonomwenyo aushe.

GENESIS 18:17

Opo nee Omwene ta ti: “Ohandi dulu tuu okuholeka Abraham eshi handi ka ninga?

OMAPSALOME 14:2

Omwene meulu ota vandamene poshi, ta tale ovana vovanhu, a mone ngeenge ope na tuu ou omunandunge, ou ta kongo Kalunga.

GENESIS 6:12

Opo nee Kalunga okwa tala edu, nokutya lo ola nyonauka, osheshi ombelela aishe oya nyonauna okukala kwayo kombada yedu.

JONA 1:2

“Fikama, ove u ye kuNinive, oshilando shinene u shi udifile. Osheshi owii washo we uya koshipala shange.”