GENESIS 16:3 - Ombibeli Iyapuki

³ Opo nee Sarai, omwalikadi waAbram, okwa kufa Hagar omupika waye Omuegipiti, Abram eshi a kala omido omulongo medu laKaanan, ndele te mu pe omulumenhu waye Abram, a ninge omwalikadi waye.

GENESIS 16:3 Referans Kwoze

GENESIS 16:5

Ndele Sarai okwa lombwela Abram: “Odino ei handi dinwa nayo nai ku alukile! Aame mwene nda yandja omupika wange mekolo loye, ndele paife eshi a dimbulukwa kutya ye omufimba, ota tale nge nodino. Omwene na tokole pokati ketu naave.”

OVAGALATI 4:25

osheshi Hagar oyo omhunda yaSinai i li muArabia, noyo ya yeleka Jerusalem shopaife, shi li moupika novana.

1 EEHAMBA 11:3

Ndele ye okwa li e novalikadi omafele aheyali veehamba novakainhu vopomunghulo omafele atatu, onghee ovalikadi vaye va hongaula omutima waye.

2 SAMUEL 5:13

Ndele David eshi a dja muHebron nokwe uya kuJerusalem, okwa kufa vali ovalikadi vaye naava vopomunghulo. Ndele David okwa dalelwa ovana ovamati noukadona.

GENESIS 35:22

Hano Israel fimbo a kala opo, Ruben okwa ya ko a ka nangale naBilha, omwalikadi waxe wopomunghulo, naIsrael okwe shi uda. Ovana ovamati vaJakob ova li omulongo navavali.

GENESIS 32:22

Ndele oufiku tuu ou okwa penduka ndele ta tauluka okamulonga kaJabbok pamwe novalikadi vaye vavali novapika vaye vavali novana vaye omulongo naumwe.

GENESIS 30:9

Ndelenee Lea eshi a mona nokutya ye okwa ka oludalo, okwa kufa omupika waye omukainhu, Silpa, ndele te mu pe Jakob ongomwalikadi waye.

GENESIS 30:4

Opo nee ye okwe mu pa omupika waye Bilha ongomwalikadi waye, ndele Jakob okwa ya muye.

GENESIS 28:9

Esau okwa ya kuIsmael ndele ta hombola Mahalat, omona okakadona kaIsmael, omona waAbraham, mumwaina waNebajot, e mu weda po povalikadi vaye vonale.

GENESIS 25:6

ndelenee ovana ovamati vovalikadi vaAbraham vopomunghulo, Abraham okwe va pa oipewa, ndele fimbo a kala nomwenyo, ye e va lekelifa Isak, omona waye, nokwe va tuma koshilongo shokoushilo.

GENESIS 16:4

Ndele ye okwa nangala naHagar, ndele ta ningi oufimba. Ndele ye eshi a mona nokutya, ye omufimba, okwa dina Sarai, omwene waye.

GENESIS 16:16

Ndele omido daAbram oda li omilongo hetatu nahamano, eshi Hagar e mu dalela Ismael.

GENESIS 21:21

Ye okwa kala mofuka yaParan. Naina okwe mu kongela omwalikadi medu laEgipiti.