GENESIS 15:13 - Ombibeli Iyapuki

¹³ Ndele Kalunga okwa lombwela Abram ta ti: “Kala u shi shii nokutya, oludalo loye otali ka kala ovanailongo medu lihe fi lavo. Oko tava ka ninga ovapika nokuhepekwa omido omafele ane.

GENESIS 15:13 Referans Kwoze

EXODUS 1:11

Opo nee vo ova pewa ovapashukili oku va hepeka noilonga idjuu. Ndele vo ova tungila Farao oituvikilwalando Pitom naRamses.

OILONGA YOVAYAPOSTOLI 7:17

“Ndele efimbo lokuwanifa eudaneko Kalunga e li udanekela Abraham, eshi la ehena popepi, ovanhu ova tana nokuhapupalela muEgipiti,

OVAGALATI 3:17

Ndelenee onda hala okutya, ehangano la pamekwa kuKalunga muKristus, itali dimwa po komhango ye uya eshi pa pita omido omafele ane nomilongo itatu, neudaneko itali dimwa po kuyo.

LEVITIKUS 19:34

Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.

GENESIS 17:8

Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”

DEUTERONOMION 10:19

Onghee hano mu nokuhola omunailongo osheshi nanye yo mwa li ovanailongo medu laEgipiti.

EXODUS 23:9

“Ino fininika omunailongo, osheshi nye mwa shiiva omwenyo waye nhumbi u li, shaashi nye vene mwa li ovanailongo medu laEgipiti.”

EXODUS 22:21

“Omunailongo ino mu fininika, u mu hepeke, osheshi nye vene mwa li ovanailongo medu laEgipiti.

GENESIS 15:16

Ndele epupi etine otali ka alukila apa, osheshi oulunde wOvaamori inau wana natango.”

GENESIS 47:4

Natango vo ova lombwela Farao tava ti: “Fye otwe uya tu kale manga ngaashi ovanailongo moshilongo, osheshi kwinya kaku na oulifilo weedi dovapiya voye, shaashi ondjala idjuu oi li medu laKaanan. Itavela, fye ovapiya voye, tu tule moshikandjo Gosen.”

EXODUS 1:13

Onghee hano Ovaegipiti va fininika Ovaisraeli noilonga idjuu youpika,

EXODUS 2:24

Ndele Kalunga okwa uda ekemo lavo, naKalunga okwa dimbulukwa ehangano laye naAbraham naIsak naJakob.

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

EXODUS 3:10

Hano inda ko, Ame ohandi ku tumu kuFarao, u pitife mo muEgipiti oshiwana shange Ovaisraeli.”

EXODUS 3:17

Onghee hano onda tokola mwaame kutya: ‘Ame onda hala oku mu pitifa mo moudjuu womuEgipiti noku mu twala medu lOvakaanan nolOvaheti nolOvaamori nolOvaperesi nolOvahevi nolOvajebusi, moshilongo shi yadi omashini nomaadi eenyiki.’

DEUTERONOMION 5:15

Ndele dimbulukwa nokutya, ove owa li omupika medu laEgipiti, nOmwene Kalunga koye e ku pitifa mo neke li neenghono nokwooko kwa yeluka. Onghee hano Omwene Kalunga koye e ku lombwela u diinine efiku lEshabata.

OMAPSALOME 105:42

osheshi ye a dilakana ondjovo yaye iyapuki, okwa dimbulukwa Abraham, omupiya waye.

EXODUS 1:14

nokukalamwenyo kwavo kwa lulumikwa noilonga idjuu yomunoko needopi noilonga i lili nai lili momapya, heeno, noilonga i lili nai lili ve i fininikilwa ve i longe.

NUMERI 20:15

Ootate yetu va tembukila muEgipiti ndele fye otwa kala omafiku mahapu muEgipiti. NOvaegipiti ve tu hepeka fye nootate.