GENESIS 15:12 - Ombibeli Iyapuki

¹² Ndele pokuningina kwetango Abram okwa kwatwa keemhofi dinene, ndele tala, etilo nomulaulu munene owe mu wila.

GENESIS 15:12 Referans Kwoze

GENESIS 2:21

Opo Omwene Kalunga okwa kofifa omunhu eemhofi didjuu, ndele fimbo a kofa, Ye okwa kufa mo olupati limwe lomeemhati daye nonhele yalo okwe i fitika nonhumba.

JOB 33:15

Mondjodi, memoniko loufiku, ovanhu ngeenge tava wilwa keemhofi didjuu, ndele hava nangala momitala davo,

1 SAMUEL 26:12

Opo nee David a kufa eonga nombao yomeva ei ya li pomutwe waSaul ndele va ya. Kapa li nande umwe e shi mona ile e shi uda ile a pashuka. Osheshi vo aveshe va kofa, shaashi eemhofi didjuu da tumwa kOmwene de va kwata.

OILONGA YOVAYAPOSTOLI 20:9

Ndele omunyasha umwe, edina laye Eutikus, okwa li omutumba pekende, okwa lolokela po keemhofi, Paulus eshi a popya efimbo lile, nomokukumuka okwa wa kondjuwo onhinhatu yokombada nokwa toolwa po a fya.

GENESIS 15:11

Opo nee eedila hadi li ombelela da wila kombada yoinamwenyo ei ya fya, ndele Abram okwe di taataa po.

GENESIS 28:11

Opo nee ye okwe uya konhele apa a nangala, osheshi etango ola ningina. Ndele okwa kufa emanya lomomamanya enya nokwe li nangeka koshi yomutwe waye, ndele okwa nangala ko.