GENESIS 13:8 - Ombibeli Iyapuki

⁸ Opo nee Abram okwa lombwela Lot ta ti: “Inapa kala nande eemhata pokati ketu naave, nopokati kovafita vange nokovafita voye, osheshi fye vamwe aveke.

GENESIS 13:8 Referans Kwoze

OILONGA YOVAYAPOSTOLI 7:26

Ndele mefiku lomongula eshi a holoka kuvo fimbo tava patafana tave lidenge, opo a hetekela oku va anuna va kalafane nombili, eshi ta ti: ‘Ovalumenhu nye, nye ovanhu vaxe imwe, oshike tamu ningafana nai?’

OMAPSALOME 133:1

Taleni, oshiwa nosha wapala shi fike peni, ovamwaxe ngeenge tava kala kumwe nombili.

2 PETRUS 1:7

metilokalunga ohole yokuhola ovamwatate nomohole yokuhola ovamwatate ohole yokuhola aveshe.

1 PETRUS 4:8

Komesho yaaishe ohole yeni yokuholafana nai kale ya xwama, osheshi ohole ohai fufile onduba yomatimba.

1 PETRUS 3:8

Ndele hauxuuninwa: Kaleni amushe momukoo umwe nokufilafana onghenda, mu hole ovamwatate mu nolukeno nelininipiko.

OVAROMA 12:10

Mokuhola ovamwaxo filafaneni olukeno, mokufimanekafana paafaneni oshihopaelelwa.

OMAYELETUMBULO 20:3

Efimano lomunhu olo okukukuma eemhata, ndelenee elai keshe tali pendula eemhata.

OMAYELETUMBULO 15:1

Enyamukulo litalala tali kandula po oupyuhandu, ndelenee ondjovo ikukutu tai tukulula ehandu.

GENESIS 45:24

Opo nee ye okwa lekela ovamwaxe, ndele tava i. Ndele ye okwe va lombwela ta ti: “Inamu litangunina mondjila.”

1 JOHANNES 4:7

Ovaholike, tu holafaneni, osheshi ohole oya dja muKalunga, ndele keshe ou e nohole, oye a dalwa muKalunga nokwa shiiva Kalunga.

1 PETRUS 2:17

Fimanekeni aveshe, holeni ovamwatate, tileni Kalunga, fimanekeni ohamba.

1 PETRUS 1:22

Mokudulika koshili eshi mwa yelifa eemwenyo deni kOmhepo okokuhola ovamwatate nohole ihe noihelele, mu nokuholafana nohole ya xwama komutima wa yela,

OVAHEBERI 13:1

Kaleni mu hole ovamwaxo.

OVAHEBERI 12:14

Lalakaneneni ombili naaveshe neyapulo, osheshi ou ehe li kwete ita ka mona Omwene.

1 OVATESSALONIKI 4:9

Ohole yokuholafana, ovamwatate, ihamu pumbwa oku i shangelwa, osheshi onye vene mwa longwa kuKalunga okuholafana,

OVAFILIPPI 2:14

Aishe i longeni muhe nomapulapulo nomu he nomalimbililo,

MATEUS 5:9

“Ovanelao ovanambili, osheshi ovo tava ka ifanwa ovana vaKalunga.

OMAYELETUMBULO 15:18

Omulumenhu omuhandunhu ta pendula eemhata, ndelenee omutalanheni ta anuna eemhata.

EXODUS 2:13

Mefiku lomongula ye okwa ya ko vali, ndele pa li ovalumenhu vavali Ovaheberi va dengafana. Opo nee ye a pula kwaau e noushima: “Oshike to dengele omukweni?”

GENESIS 13:9

Oshilongo ashishe oshosho. Tu tukuke. Ove ngeenge oto i kolumosho, ame ohandi i kolulyo, ndele ngeenge ove oto i kolulyo, ame ohandi i kolumosho.”

GENESIS 46:34

Nye nyamukuleni, tamu ti: ‘Ovapiya voye ova kala ovafita voimuna okudja kounyasha wavo fiyo opaife, fye otu li ngaashi ootate,’ opo mu shiive okukala muGosen. Osheshi omufita keshe woimuna oye oixuna, momesho Ovaegipiti.”

GENESIS 14:14

Abram eshi a uda kutya omona wamumwaina a kwatwa, okwa dilila ovalumenhu omafele atatu nomulongo nahetatu, ava va dalelwa meumbo laye, ndele ta i navo ndele tave va shikula fiyo okuDan.

OVATOKOLIPANGELI 9:26

Opo nee Gaal yaEbed e uya novamwaina ndele va ya kuSekem. Noonakukala muSekem ve mu lineekela.