GENESIS 13:7 - Ombibeli Iyapuki

⁷ Ndele opa holoka eemhata pokati kovafita vaAbram novafita vaLot. Pefimbo linya Ovakaanan nOvaperesi ova li yo moshilongo omo.

GENESIS 13:7 Referans Kwoze

GENESIS 26:20

Ndele ovafita vomuGerar ova twa eemhata novapiya vaIsak ndele tava ti: “Omeva aa oetu.” Onghee hano ye okwa luka omufima ou Esek, shaashi oko va li tava tu eemhata naye.

GENESIS 12:6

Ndele Abram okwa enda moshilongo fiyo okonhele yaSekem, fiyo okoshuundungila shaMore. Mefimbo linya Ovakaanan ovo va li medu olo.

JAKOB 3:16

Osheshi apa pe nefupa neenhamanana, opo pe na yo edongakano noilonga aishe yowii.

1 PETRUS 2:12

ndele kaleni nokweenda muhe noshipo mokati kovapaani, opo nee eshi tave mu popile mowii ngaashi ovalongi vowii, mokutala oilonga yeni iwa va hambelele Kalunga mefiku lekongo.

JAKOB 4:1

Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni?

OVAGALATI 5:20

oukalele woikalunga, oundudu, etondafano, eemhata, oukodi, ehandu, omashilafano, omaliyalafano, oimhanga;

GENESIS 34:30

Opo nee Jakob a lombwela Simeon naLevi ta ti: “Nye omwa twala nge momupya nomokuhandukilwa koonakukala moshilongo eshi nokOvakaanan nokOvaperesi. Ongudu yange oinini. Ngeenge va hangakene nge, otava ka dula nge, naame nepata lange otali ka kombwa po.”

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

1 OVATESSALONIKI 4:12

opo mu ende mu neenghedi moipafi yaava vopondje ndele inamu pumbwa sha.

OVAKOLOSSI 4:5

Mokweendafana naava ve li pondje kaleni mu neendunge nokukoneka efimbo liwa.

1 OVAKORINTO 3:3

osheshi natango nye ovopambelela. Eshi mokati keni mu nefupa neemhata, kamu fi vopambelela noitamu ende paunhu?

NEHEMIA 5:9

Ndele nde va lombwela vali: “Osho mwe shi ninga, inashi wapala. Ndishi mu nokweenda metilo laKalunga ketu nokuli omolwesheko lovapaani, ovatondadi vetu?

EXODUS 2:17

Ndelenee ovafita ve uya nove va taataa mo. Opo nee Moses okwa fikama nokwe va kwafa, ndele ta xwiile oimuna yavo.

GENESIS 21:25

Ndele Abraham okwa tangunina Abimelek molwomufima oo a nyekwa kovapiya vaAbimelek.

GENESIS 10:19

Ndele onhele yokukala kwOvakaanan oya li okudja kuSidon ya yukilila Gerar fiyo okuGasa, nokuyukilila kuSodom naGomorra naAdma naSeboim fiyo okuLesa.

GENESIS 46:34

Nye nyamukuleni, tamu ti: ‘Ovapiya voye ova kala ovafita voimuna okudja kounyasha wavo fiyo opaife, fye otu li ngaashi ootate,’ opo mu shiive okukala muGosen. Osheshi omufita keshe woimuna oye oixuna, momesho Ovaegipiti.”

OMAYELETUMBULO 20:3

Efimano lomunhu olo okukukuma eemhata, ndelenee elai keshe tali pendula eemhata.

MARKUS 3:25

Neumbo ngeenge tali litwile ondubo, eumbo olo itali kala po vali.