GENESIS 13:11 - Ombibeli Iyapuki

¹¹ Ndele Lot okwe lihoololela olufilu alishe lokuJordan, ndele Lot ta ehene kombinga yokoushilo. Osho ngaha ve litukauka.

GENESIS 13:11 Referans Kwoze

GENESIS 13:9

Oshilongo ashishe oshosho. Tu tukuke. Ove ngeenge oto i kolumosho, ame ohandi i kolulyo, ndele ngeenge ove oto i kolulyo, ame ohandi i kolumosho.”

1 PETRUS 2:17

Fimanekeni aveshe, holeni ovamwatate, tileni Kalunga, fimanekeni ohamba.

OVAHEBERI 10:25

Tuha efe eongalo letu vene, ngaashi vamwe ve li po hava ningi, ndelenee tu kumaidafaneni, unene eshi tamu mono efiku olo tali ehene popepi.

OMAYELETUMBULO 27:10

Ino liteeka kaume koye nakaume kaxo, ndele ino ya mo meumbo lomumwanyoko mefiku lomupya woye. Omushiinda wopopepi omuwa e dule omumwanyoko e li kokule.

OMAPSALOME 119:63

Aame omukwao waava, tave ku tila, nowaava, tava shikula omalombwelo oye.

OMAPSALOME 16:3

Nokovayapuki vomoshilongo ohandi ti: “Ovo tuu ovayapuki, ohokwe yange aishe omuvo i li.”

GENESIS 13:14

Ndele Omwene okwa lombwela Abram, eshi va tukauka naLot ta ti: “Ponhele opo u li ofika, yelula omesho oye u tale koumbangalanhu nokoumbuwanhu nokoushilo nokouninginino.

GENESIS 19:17

Ndele eshi ve va twala pondje, ova tya: “Xupifeni eemwenyo deni! Inamu tala monima noinamu kanghama mefilu eli laJordan. Djei po; indeni onhapo keemhunda muha nyonaunwe po.”

GENESIS 13:10

Opo nee Lot okwa yelula omesho aye ndele ta mono kutya olufilu alishe lokuJordan oli na omeva mahapu. Pefimbo opo Omwene ina hanauna po manga Sodom naGomorra, lo la li kombinga yaSoar ngaashi oshikunino shOmwene, ngaashi edu laEgipiti.

GENESIS 13:12

Abram okwa fyaala medu laKaanan, ndele Lot okwa tula moilando yomolufilu lokuJordan ndele okwa kala meehambo daye nokweehena fiyo okuSodom.

HESEKIEL 47:18

Kombinga yokoushilo: pokati kaHauran naDamaskus naGilead noshilongo shaIsrael nokushikula Jordan. Okongaba tuu oyo mu nokuyeleka fiyo oTamar kEfuta lokoushilo. Oyo ombinga yokoushilo.