GENESIS 10:9 - Ombibeli Iyapuki

⁹ Ye okwa li omukongo omunaenghono koshipala shOmwene. Onghee hano kwa tiwa: “Omukongo omunaenghono koshipala shOmwene ngaashi Nimrod.”

GENESIS 10:9 Referans Kwoze

OMAPSALOME 52:7

“Tala, omulumenhu ou, oye tuu, ine lineekela Kalunga, a ninge engholo laye, ndelenee okwe lineekela emona laye linene nokwe litungila koupuna waye.”

2 OMAFIMBO 28:22

Nomefimbo tuu olo, eshi va fininika unene ohamba Ahas, yo ya nyona unene kOmwene,

GENESIS 27:30

Ndelenee Isak eshi a mana okunangeka noupuna Jakob, naJakob eshi a dja po puxe Isak, mumwaina Esau okwa aluka koukongo,

GENESIS 25:27

Novana ovamati ova kula. Esau okwa ninga omukongo omukongolela, omulumenhu a hokwa ofuka. Ndelenee Jakob okwa li omulumenhu e hole ombili, a hokwa okukala peumbo.

GENESIS 13:13

Ndelenee ovanhu vomuSodom ova li vai unene novanyonauni koshipala shOmwene.

GENESIS 6:11

Ndele edu ola li la nyonauka koshipala shaKalunga nola yada oukolokoshi.

GENESIS 6:4

Mefimbo linya okwa li ovatongolume kombada yedu nokomesho yo, eshi ovana ovamati vaKalunga ve litula kumwe novana oukadona vovanhu ndele vo tave va dalele ovana. Vo ovanaenghono vomounyuni wonale, ovalumenhu va tumbala.

MIKA 7:2

Ovadiinini va pwa mo moshilongo, ndele kape nomuyuki vali mokati kovanhu. Vo aveshe ohava nangele va tileshi ohonde. Ohava kongo, keshe umwe, mukwao e mu yule.

HESEKIEL 13:18

ndele tya: Omwene Kalunga ota ti ngaha: “Woo ovalikadi ava, hava mangele poikesho aishe yomaoko ouputu nohava tungu oshiyata sheluviluvi kombada yomitwe dovanhu ve lili nove lili vakula novanini, opo va yule eemwenyo. Tashi dulika tuu nye mu yule eemwenyo dimwe, fimbo eemwenyo dimwe tamu di lixupifile nye vene?

JEREMIA 16:16

Tala, Ame ohandi tumu ovayuli vahapu veeshi, Omwene osho ta ti, tave ke va yula nokomesho ohandi ka tuma ovakongi vahapu ava tave ke va konga komhunda keshe nokoshikulundudu keshe nomomakololo omamanya.

GENESIS 10:8

Kus okwa dala Nimrod, ou a li omunaenghono nomunamapangelo wotete kombada yedu.

GENESIS 10:10

Ehovelo loshilongo shaye okwa li Babel naErek naAkkad, aishe oyomedu laSinear.

JESAJA 18:2

hali tumu ovatumwa kuNil hava ende mouwato veembungu kombada yomeva! Indeni ko, onye ovatumwa hamu endelele kovanhu vale va twima, koshiwana sha tilika popepi nokokule, koshiwana oshinaenghono noshifindani, edu lasho tali taululwa komilonga.