GENESIS 10:2 - Ombibeli Iyapuki

² Ovana ovamati vaJafet ova li: Gomer naMagog naMadai naJavan naTubal naMesek naTiras.

GENESIS 10:2 Referans Kwoze

HESEKIEL 38:2

“Kaana komunhu, oshipala shoye shi taalelifa Gog, medu laMagog, omupangeli waRos, Mesek naTubal, u mu xunganekele,

HESEKIEL 38:6

Gomer nomatanga aye aeshe, nepata laTogarma, koxulo yokoumbangalanhu, nomatanga aye aeshe noiwana ihapu pamwe naave.

EHOLOLO 20:8

ndele ta piti mo ndele ta ka hongaula oiwana yokeembinga nhee dedu, Gog naMagog, e va shivile oita; ndele omuvalu wavo ou fike peheke lopefuta.

JESAJA 66:19

Ndele Ame ohandi ka didilika edidiliko mokati kavo, naava vomokati kavo va xupifwa ohandi va tumu koiwana kuTarsis, kuPul, kuLud noonakulukilomauta, okuTubal, kuJavan nokeenhunhu dokokulekule, inava uda eenghundana dange noinava mona oshinge shange; ndele vo otava ka hepaulula oshinge shange mokati koiwana.

HESEKIEL 39:1

Ndele oove, kaana komunhu, xunganekela Gog u tye: “Omwene Kalunga ota ti ngaha: ‘Tala, Ame ohandi ku vele eembedi, akutu, oove Gog, omupangeli waRos, Mesek naTubal.

HESEKIEL 38:15

Opo nee ove to ka dja mo monhele yoye koxulo yokoumbangalanhu, oove noiwana ihapu pamwe naave, vo aveshe ovalondi veenghambe, eemhunga dinene nomatanga e neenghono.

HESEKIEL 27:19

Vedan naJavan ove ku landifile oivela yokuhambula yomuUsal ngaashi oipindi: oipindi yedimba lakassia nakalmus.

HESEKIEL 27:7

Ofaila yoye oya li oshiyata sholiina iwa noutotone, sha dja muEgipiti, oyo ya li epandela loye. Onduda yoye yofaila oya li oshiyata shimbulau noshitilyana opurpuri koshilongo shaElisha pominghulo defuta.

GENESIS 10:21

Ndele Sem, xekulu yovana aveshe vaEber, omukulu waJafet, okwa dala yo ovana ovamati.

GENESIS 9:27

Kalunga na tandavelife Jafet, ndele ye na kale momatwali aSem, ndelenee Kaanan na kale omupika waye.”

GENESIS 10:1

Ndele eshi osho efina lomapata ovana vaNoa: Sem, Ham naJafet; vo ova dala ovana ovamati konima yeyelu.

2 EEHAMBA 17:6

Momudo omutimugoi waHosea, ohamba yaAsiria ya nangala Samaria, ndele ya twala Israel moukwatwa kuAsiria. Ndele ye va tula muHalag nopuHabor omulonga womuGosan, nomoilando yomuMedia.

OMAPSALOME 120:5

Woo ame, eshi ndi li omunailongo muMesek, naashi ndi nokukala meenhanda daKedar!

HESEKIEL 32:26

Mesek-Tubal oye ou neemhunga daye adishe. Eembila dado tadi mu dingilile. Vo aveshe inava pita etanda, va dipawa keongamukonda, shaashi va tandavelifa ehaluko medu lovanamwenyo.