GENESIS 1:27 - Ombibeli Iyapuki

²⁷ Ndele Kalunga okwa shita omunhu oshifefa shaye; oshifefa shaye Ye e mu shita: omulumenhu nomukainhu Ye e va shita.

GENESIS 1:27 Referans Kwoze

MATEUS 19:4

Ndele ye okwa nyamukula ta ti: “Inamu lesha hamba, Omushiti okwe va shita pehovelo omulumenhu nomukainhu,

OVAEFESO 2:10

Osheshi ofye oshilonga shaye twa shitilwa muKristus Jesus oilonga iwa oyo ya longekidwa nale kuKalunga opo fye tu kale nokweenda muyo.

MARKUS 10:6

Ndele pehovelo leshito ‘Kalunga okwe va shita omulumenhu nomukainhu.’

OVAEFESO 4:24

ndele nye mu djale omunhu mupe a shitwa a fa Kalunga omouyuki nomouyapuki woshili.

OMAPSALOME 139:14

Ohandi ku pandula, eshi nda tungwa nda tungikika; oilonga yoye oya longekeka, nomwenyo wange otau shi shiiva nawa.

JESAJA 43:7

keshe ou a lukilwa nge nonde mu shitila efimano lange, nde mu ninga nonde mu wapaleka.”

OVAKOLOSSI 1:15

Oye olupe laKalunga iha monika, Omudalwa wotete woishitwa aishe.

MALAKIA 2:15

Ndele kape na umwe e shi ninga, ou e na natango oshixupe shOmhepo. Olyelye ou umwe? Ye okwa konga oludalo la udanekwa kuKalunga. Pashukileni hano nawa omhepo yeni, paha kale nande umwe te liteeka omwalikadi womounyasha waye.

GENESIS 2:18

Omwene Kalunga okwa tile: “Keshiwa omunhu a kale aeke. Ame ohandi ke mu ningila ekwafo tali mu wapalele.”

OVAKOLOSSI 1:26

nokutya, oshiholekwa osho sha li sha holekwa omafimbo nomapupi ndelenee paife osha hololelwa ovayapuki vaye,

OVAKOLOSSI 3:10

nomwa djala omunhu mupe, ou ta shitilwa mokushiiva, pafano lOmushiti waye;

GENESIS 9:6

Ou ta tileshi ohonde yomunhu, ohonde yaye oi na okutilwashi komunhu. Osheshi Kalunga okwa ninga omunhu oshifefa shaye.

DEUTERONOMION 4:32

“Osheshi ngeenge to pula komafimbo onale, aa e tu tetekelela, okudja kefiku linya Kalunga a shita ovanhu kombada yedu, oto pula komunghulo weulu fiyo okumukwao: oinima inene i fike opo oya ningwa tuu ile shimwe shi fike opo osha udika tuu?

OMUUDIFI 7:29

Tala, eshi ashike nde shi mona nokutya, Kalunga okwa ninga omunhu a kale a yuka, ndelenee voovene ohave likongele eemhangela dihapu dii.

GENESIS 2:7

Ndele Omwene Kalunga okwa ma omunhu nondwi yedu ndele te mu fudile meyulu laye omufudo womwenyo. Osho ngaha omulumenhu a ninga omwenyo u na omwenyo.

OVATOKOLIPANGELI 21:22

Ndele ooxe ile ovamwaina ngeenge tave uya pufye oku tu hokololifa, fye ohatu ke va lombwela: ‘Ve tu peni oshali, osheshi nande umwe womufye a kwata omwalikadi moita. Nye vene inamu ve va pa. Ngeno osho ngaha, ngeno mwa pewa etimba.’ ”

JEREMIA 29:6

Homboleni ovakainhu, nye mu dale ounona ovamati noukadona, novana veni oukadona va hombolwe kovana veni ovalumenhu vo va dale ovamati noukadona. Hapupaleni ko, inamu ninipala.