ESTER 9:10 - Ombibeli Iyapuki

¹⁰ ovana omulongo ovalumenhu vaHaman yaHammedata, omutondadi wOvajuda, Ovajuda ve va dipaa, ndelenee inava kuma omamona.

ESTER 9:10 Referans Kwoze

ESTER 8:11

nokutya ohamba otai shi itavelele Ovajuda moshilando keshe omo ve li va ongale kumwe va popile eemwenyo davo nokuhanauna po nokudipaa nokukomba po ovanhu aveshe vomoitukulwalongo, ovo ve noiti tave va fininike, nounona yo novalikadi nokukufa omamona avo ngaashi oixuulwa,

ESTER 5:11

Ndele Haman ote va hepaululile ta popi efimano laye noupuna waye nouhapu wovana vaye ovamati, nanhumbi ohamba ye mu nenepeka mwaashishe noku mu lenga kombada yomalenga noyovapiya vohamba.

GENESIS 14:23

Oshili itandi kufa nande okangodi ile omwiya wonghaku, heeno, itandi kufa sha mwaaishe ei yoye, opo uha ka tye kutya: ‘nda ninga Abram oshipuna.’

OVAFILIPPI 4:8

Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni.

OVAROMA 12:17

Inamu alulila nande omunhu owii waye. Lalakaneneni ei ya wapalela ovanhu aveshe.

OMAPSALOME 21:10

Oiimati yavo Ove to i kombolola po kombada yedu noludalo lavo omovana vovanhu.

ESTER 7:6

Ndele Ester ta ti: Omunandubo nomutondadi ou Haman, omunawii! Opo nee Haman a haluka koshipala shohamba noshomumbada.

ESTER 7:4

Osheshi fye twa landifwa po, ame noshiwana shange, tu hanaunwe po, tu dipawe ndele tu kombwe po. Ngeno twa landifwa po tu ninge ovapika ovalumenhu novakainhu, ngeno nda mwena, ndelenee omupya ou itau ka mona ewanifo mokunyekwa kwohamba.”

ESTER 3:1

Konima yoinima oyo ohamba Ahasveros ya nenepeka Haman yaHammedata, Omuagag, ndele ye mu lenga ndele ya tula oshipundi shaye komesho yomalenga aeshe aa a kala puyo.

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

EXODUS 17:16

Ndele ye okwa tile: “Ohandi yelula eke lange lwokoshipundi shOmwene. Omwene ta ka lwifa Amalek koludalo fiyo okoludalo.”

ESTER 3:13

Neenhumwafo da tumwa neenhondoki koitukulwalongo aishe yohamba va hanaune po Ovajuda aveshe, okudipaa nokukomba po ovanyasha novakulunhu, ovana novalikadi, mefiku limwe, mefiku etimulongo netitatu lohani onhimulongo nonhivali, nokutya mohani Adar, nomamona avo e nokutikishwa oixuulwa.

ESTER 9:9

naParmasta naArisai naAridai naWaisata,

ESTER 9:11

Mefiku tuu olo omuvalu waava va dipawa mohotengulu yaSusa, wa shiivifilwa ohamba.

DANIEL 6:24

Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe.

GENESIS 34:27

Ovana ovamati vaJakob va tondokela oonakudipawa ndele va tinha oshilando, osheshi venya ova li va fifa ohoni mumwaina.