ESTER 7:6 - Ombibeli Iyapuki

⁶ Ndele Ester ta ti: Omunandubo nomutondadi ou Haman, omunawii! Opo nee Haman a haluka koshipala shohamba noshomumbada.

ESTER 7:6 Referans Kwoze

2 OVATESSALONIKI 2:8

Ndele opo nee omudinimhango ota holoka, oye ou Omwene Jesus ote ke mu dipaa po nomufudo womokanya kaye note mu hanauna po neholoko lealuko laye,

1 OVAKORINTO 5:13

Ndelenee venya vopondje Kalunga ote va tokola. “Kondeni mo ou mwii womokati keni.”

OMAYELETUMBULO 16:14

Oupyuhandu wohamba u li ngaashi ovatumwa vefyo, ndelenee omulumenhu omuyuki ote u lotifa.

OMAPSALOME 27:2

Eemhote ngeenge tadi totele nge, di pone nge po, ovayelani vange novatondi vange, ovo vene tava punduka ndele tava wile po.

ESTER 3:10

Opo nee ohamba ya xukula okalinga kayo koshihako komunwe wayo ndele ye ka pa Haman yaHammedata, Omuagag, omutondadi wOvajuda.

NEHEMIA 6:16

Novatondadi vetu aveshe eshi ve shi uda, noiwana aishe yomoushiinda ya tila ndele ye litala itai dulu sha vali, ndele ve shi dimbulukwa, nokutya oshilonga eshi sha longwa kuKalunga ketu.

1 SAMUEL 24:13

Ngaashi eyeletumbulo lootatekulu tali ti: ‘Ouhenakalunga tau di movahenakalunga.’ Ndelenee eke lange itali ke ku kuma.

JESAJA 21:4

Omutima wange tau lomhauka, noutile wa hangelela nge. Onguloshi yehafo lange otai shitukifwa ehaluko.

OMUUDIFI 5:8

Ngeenge to mono ohepele tai fininikwa neyukifo nouyuki tau lyatwa moshilongo, oshinima osho ino shi kuminwa; osheshi ou omunenenhu ota nangelwa komunenenhu mukwao, e mu dule, ndele aveshe vavali tava nangelwa kuvakwao ve va dule.

ESTER 7:5

Opo nee ohamba Ahasveros ta ti komumbada Ester: “Ye olyelye, ndele openi e li, ou a diladila momutima waye oku shi ninga?”

ESTER 8:1

Mefiku tuu olo ohamba Ahasveros ya yandja kuEster eumbo laHaman, omutondadi wOvajuda. Ndele Mordekai okwe uya koshipala shohamba, osheshi Ester a hepaulula oye olyelye, nokutya omukwao.