ESTER 1:10 - Ombibeli Iyapuki

¹⁰ Mefiku etiheyali, omutima wohamba eshi wa hafifwa komaviinyu, yo ya lombwela omalenga ayo aheyali omouhamba, Mehuman, Bista, Harbona, Bigta naAbagta, Setar naKarkas, oo a li a yakula koshipala shohamba

ESTER 1:10 Referans Kwoze

ESTER 7:9

Opo nee Harbona, umwe womovapiya vohamba ta ti kohamba: “Oko ku nomuti wokumangeleka mo, wa dikwa kuHaman, e u dikila Mordekai, ou a popila ohamba, u li pongulu yaye, oule wao omaludimbo omilongo nhano.” Opo nee ohamba tai ti: “Mu endjelelifa ko!”

OVATOKOLIPANGELI 16:25

Ndele omitima davo eshi da li da nyakukwa pombada, tava ti: Ifaneni Simson, ye e tu shikile okaxumba! Ndele va ka tala Simson modolongo. Ndele ye okwa shika moipafi yavo ndele ve mu tula ofika pokati keengudi mbali;

OMAYELETUMBULO 20:1

Omaviinyu, oo omusheki, noikolwifa, oyo omuweeleli, ndele kaku na ou ta kolwa kuo, e neendunge.

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

GENESIS 43:34

Ye okwa lombwela, va pewe eendja dokoshililo shaye. Ndelenee Benjamin okwa pewa eendja dihapu di dule lutano dinya davakwao aveshe. Ndele vo ova nwa pamwe naye nova hafa.

OMUUDIFI 10:19

Oitelekela tai telekelwa okuhafifa, nomaviinyu taa hafifa omwenyo; ndelenee aishe tai etwa po koimaliwa.

OVATOKOLIPANGELI 19:6

Ndele vo va kala po, naaveshe vavali va lila nova nwina pamwe. Opo nee xe yomwalikadi omunyasha ta ti komulumenhu: “Itavele nge, u kale po oufiku, nomwenyo woye nau kale wa hafa.

RUT 3:7

Boas eshi a mana okulya nokunwa nomutima waye wa hafa okwa ya, a ka nangale ponduba yoilya. Ndele Rut okwe uya ta hondjaunine, ndele ta uvukulula ekumbafa keemhadi daye ndele ta nangala mo.

ESTER 1:9

Vasti, omumbada wohamba okwa ningila ovakainhu oitendele mongulu youhamba wohamba yaAhasveros.

ESTER 3:15

Eenhondoki da fikama divadiva kelombwelo lohamba shamha tuu omhango ya yandjwa mohotengulu yomuSusa. Ohamba naHaman va kala omutumba ndele tava nu ndelenee oshilando shaSusa sha li sha haluka.

OMAYELETUMBULO 31:4

Akutu Lemuel, inashi wapalela eehamba, heeno, inashi wapalela eehamba okunwa omaviinyu ndele inashi wapalela ovapangeli okupula: Oikunwa idjuu oi li peni?