ESTER 1:1 - Ombibeli Iyapuki

¹ Pomafiku aAhasveros, nokutya Ahasveros ou a pangela okudja kuIndia fiyo okuEtiopia, oitukulwalongo efele nomilongo mbali naiheyali,

ESTER 1:1 Referans Kwoze

DANIEL 9:1

Momudo wotete waDarius yaAhasveros womoludi laMedia, ou a ninga ohamba yoshilongo shOvakaldea,

ESTER 8:9

Opo nee mefimbo tuu olo ovashangi vohamba va ifanwa, mohani onhinhatu, nokutya mohani Sivan, mefiku etimilongo mbali netitatu lomuyo. Ndele va shanga ngaashi Mordekai e va lombwela kOvajuda nomalenga nokovapangeli voitukulwalongo yo i li po okudja kuIndia fiyo okuEtiopia, oitukulwalongo efele nomilongo mbali naiheyali, kukeshe oshitukulwalongo panghedi yasho okushanga nokukeshe oshiwana melaka lasho, nokOvajuda panghedi yavo okushanga nomelaka lavo.

DANIEL 6:1

Ndele osha wapalela Darius okutumbila oshilongo shaye omalenga efele limwe nomilongo mbali, va kale moshilongo ashishe.

ESTER 9:30

Ndele ye okwa shangela Ovajuda aveshe vomoitukulwalongo efele nomilongo mbali naiheyali yomoshilongo shaAhasveros, eenhumwafo di neendjovo dombili nodoshili,

ESRA 4:6

Ndele mefimbo lepangelo laAhasveros, pehovelo lepangelo laye, va shanga onhumwafo yokuvela oonakukala muJuda nomuJerusalem ombedi.

JESAJA 37:9

Ndele Sanheerib eshi a uda Tirhaka, ohamba yaEtiopia, taku tiwa: “Ye okwa fikama e ke mu lwife”, okwa tumununa kuHiskia ondaka tai ti:

JESAJA 18:1

Woo, oove edu lomapopilo omavava, li li kombada yomilonga daEtiopia;

ESTER 2:3

Ohamba nai tule mo moitukulwalongo aishe yoshilongo shayo ovahona, opo va ongele oukadona aveshe ovanyasha ovo ve nondjelo iwa, ve uye mohotengulu yaSusa mongulu yovalikadi, kelenga Hegai, omupashukili wovalikadi, e va pashukile. Ndele nava pewe omaadi okuvava oku va wapeka.

ESTER 10:1

Konima yoinima oyo ohamba Ahasveros ya fendelifa edu nominghulo dopefuta.

DANIEL 11:2

“Ndele paife ohandi ke ku shiivifila oshili: Tala, muPersia tamu ka holoka natango eehamba nhatu, ndele onhine otai ke likola oupuna uhapu, i dule dikwao adishe moupuna. Neenghono dayo eshi da hapupala molwoupuna wayo, yo otai ka shiva aveshe okulwifa oshilongo shaGreka.