EIMBILOELELA 8:2 - Ombibeli Iyapuki

² Ngeno nde ku findikila, ndi ku ete mo meumbo lameme, ndele ye a pukululile nge. Ame ngeno ndi ku nwife omaviinyu manyenye, omeva oiimati yeegranati.

EIMBILOELELA 8:2 Referans Kwoze

EIMBILOELELA 3:4

Ndele eshi tuu nde va koya po, ame nde mu mona, ou omwenyo wange u mu hole. Ame nde mu kwata ndele inandi mu efa, fiyo nde mu twala meumbo lameme nomonduda yanakudala nge.

EIMBILOELELA 7:12

Ongula inene tu piteni tu ka ye koikokola yomiviinyu tu tale omiviinyu ngeenge da pita neenhemo ngeenge da temuna neegranati ngeenge da eta eenhemo. Oko handi ke ku pa ohole yange.

EIMBILOELELA 4:10

Omumwameme, nomuvalekwa wange, ohole yoye inyenye ngahelipi! Ohole yoye inyenye i dule omaviinyu. Edimba lomivavo doye liwa li dule eebalsam adishe!

OVAGALATI 4:26

Ndelenee Jerusalem shokombada, osho omudalwa, nosho meme yetu.

2 TIMOTEUS 3:15

ndele omishangwa diyapuki ou di shii nghee wa dja mounona woye, edi di neenghono doku ku longa eendunge, u xupifwe mokwiitavela Kristus Jesus.

JOHANNES 5:39

Nye tamu konakona momishangwa, osheshi omu shii nye omu na omwenyo waalushe mudo, ndele odo otadi hepaulula nge;

EIMBILOELELA 7:9

Okanya koye naka fe ounyenye womaviinyu mawa, omaviinyu taa kolokele noupu meni lomuholike wange ndele taa tutike omilungu doonakukofa!

OMAYELETUMBULO 9:2

Oo wa toma eenhomenawina dao, wa dunga omaviinyu ao ndele wa dika oshililo shao.

EHOLOLO 19:10

Ndele ame onde linyongamena keemhadi daye, ndi mu fimaneke, ndele ye okwa tya kwaame: “Ino shi hetekela, ame ondimupiya mukweni nowovamwaxo, ava ve nehepaululo laJesus; linyongamena Kalunga.” Osheshi ehepaululo laJesus olo omhepo youxunganeki.

2 PETRUS 1:19

Nonena otu nondjovo youxunganeki ya pamenena i dule yonale notamu wapeke, ngeenge tamu i diinine nawa momitima deni ngaashi onyika tai minikile momulaulu fiyo taku shi, nonyofi yongula tai piti.

EIMBILOELELA 8:1

Ove ngeno wa kala naame ngaashi omumwameme omulumenhu wa nyama omavele ameme! Ngeno handi ku shakeneke pondje, ndi ku fipe komilungu, ame ngeno ihandi dinwa nande.