EIMBILOELELA 8:1 - Ombibeli Iyapuki

¹ Ove ngeno wa kala naame ngaashi omumwameme omulumenhu wa nyama omavele ameme! Ngeno handi ku shakeneke pondje, ndi ku fipe komilungu, ame ngeno ihandi dinwa nande.

EIMBILOELELA 8:1 Referans Kwoze

OVAGALATI 4:26

Ndelenee Jerusalem shokombada, osho omudalwa, nosho meme yetu.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

LUKAS 2:38

Ndele opefimbo tuu olo okwe uya po, okwa hambelela Kalunga nokwe ka hepaulula kwaaveshe ovo va teelela ekulilo laJerusalem.

MALAKIA 3:1

Tala, Ame ohandi tumu omutumwa wange, ou ta ka kokolela nge ondjila yange. Opo Omwene ou tamu mu kongo, ote ke uya divadiva motembeli yaye, nokutya Omweengeli wehangano, ou mwe mu djuulukwa. Tala, Ye ote uya, Omwene womatanga ovakwaita ta ti.

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

JESAJA 60:14

Ndele ovana ovamati vovahepeki voye, otave ke uya kwoove tava ende va petama, naaveshe ava ve ku dina otava wile eombe keemhadi doye, ndele tave ku ifana: “Sion, oshilando shOmwene shOmuyapuki waIsrael!”

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

OVAGALATI 6:14

Ndelenee ame, nashi kale nge kokule, ndi litangele ngeno oshinima shi lili, omushiyakano wOmwene wetu Jesus Kristus oo auke, molwao ounyuni wa valelelwa nge, naame nda valelelwa ounyuni.

1 OVAKORINTO 1:28

naashi shihe nedina mounyuni nosha dinika Kalunga okwe shi hoolola, osho shihe fi oshinima, opo a xutule po osho shi li po,

JOHANNES 16:28

Ame onda dile kuTate, ndele onde uya mounyuni. Ounyuni ohandi u fii po vali, ndele handi i kuTate.”

JOHANNES 13:3

hano Jesus eshi a li e shi shii kutya, Xe okwe mu pa aishe momake aye, naye a dja muKalunga, ndele ta shuna kuKalunga,

JOHANNES 8:42

Jesus ta ti kuvo: “Ngeno Kalunga oXo yeni, ngeno omu hole nge, osheshi Ame nda dja muKalunga, onde uya nda dja kuye; Ame inandi dja mwaame mwene, ndelenee Ye okwa tuma nge.

JOHANNES 3:13

Ndelenee kape na umwe ou a londa a ya keulu, oye tuu aeke a londoloka keulu, Omona wOmunhu, ou ha kala meulu.”

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

LUKAS 18:9

Ndelenee Ye okwa lombwela vamwe ve lineekela ovo ovayuki vati, ndele ova dina vamwe, efaneko eli:

LUKAS 12:8

“Ndele ohandi mu lombwele: keshe ou ta hepaulula nge moipafi yovanhu, nOmona wOmunhu ote mu hepaulula moipafi yovaengeli vaKalunga.

LUKAS 10:16

“Ou te mu udu, ota udu nge, naau te mu dini, ota dini nge, naau ta dini nge, ye ota dini ou a tuma nge.”

LUKAS 9:26

Osheshi ou ta fi nge ohoni neendjovo dange, Omona wOmunhu ote mu fi ohoni, eshi te uya moshinge shaye noshaXe noshovaengeli vayapuki.

EIMBILOELELA 1:2

Ye na fipe nge omilungu nomafipo aye omilungu. Osheshi ohole yoye inyenye i dule omaviinyu.

OMAPSALOME 51:17

Omayambo aa a halika kuKalunga, oo omhepo ya teyauka. Omutima, ou wa teyauka nowa alamekwa, oo nee, Kalunga ito u dini.

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

EIMBILOELELA 7:13

Oiimati yohole tai eta edimba, ndele poivelo yetu oku na oiimati i lili nai lili iwa i nondilo naai ipe naainya ikulu, onde i ku tuvikilila, omuholike wange.

EIMBILOELELA 8:2

Ngeno nde ku findikila, ndi ku ete mo meumbo lameme, ndele ye a pukululile nge. Ame ngeno ndi ku nwife omaviinyu manyenye, omeva oiimati yeegranati.