EIMBILOELELA 5:1 - Ombibeli Iyapuki

¹ Omuvaleki: omumwameme, omuvalekwa wange, ame ohandi uya moshikunino shange, ohandi kola omirha yange nabalsam yange. Naame ohandi li eshila lange nomaadi ange eenyiki. Ohandi nu omaviinyu ange nomashini ange. Omuvalekwa: Ookaume, lyeni, nweni nye mu kolwe kohole!

EIMBILOELELA 5:1 Referans Kwoze

EIMBILOELELA 6:2

Omuholike wange okwa ya koshikunino shaye koimhungu yeebalsam, a ka life moikunino yaye nokutoola eenhemo domado.

EIMBILOELELA 4:16

Omhepo yokoumbangalanhu, penduka! Omhepo yokoumbuwanhu, ila, u pepele oshikunino shange, omadimba asho abalsam a tandavele. Omuholike wange ne uye moshikunino shaye na lye oiimati iwa i nondilo yomusho.

EHOLOLO 22:17

Omhepo nomuvalekwa otava ti: “Ila!” Naau te shi udu, na tye: “Ila!” Naau ta fi enota, ne uye, naau a hala, na tambule omeva omwenyo oshali.

OMAYELETUMBULO 9:5

“Ileni, lyeni momungome wange ndele nweni momaviinyu nde a dunga.

OILONGA YOVAYAPOSTOLI 11:29

Opo nee ovalongwa aveshe va pangela omhangela okuyandja oikwafa, keshe ou shi fike peenghono daye, i tuminwe ovamwatate venya ve li muJudea.

JOHANNES 3:29

Ou e nomuhombolwa, oye omuhomboli; ndelenee kaume komuhomboli ou e li ofika ndele te mu pwilikine, oye ta hafele shili ondaka yomuhomboli. Ehafo eli lange paife ola wanenena.

LUKAS 12:4

“Ndele ohandi mu lombwele, ookaume kange, inamu tila ava hava dipaa olutu novehe na vali eshi tava dulu okuninga.

JESAJA 66:14

Ndele nye otamu ke shi tala, nomitima deni otadi nyakukwa pombada, nomakipa eni otaa tutuma ngaashi omwiidi mupe, opo nee eke lOmwene tali ka shiivika kovapiya vaye, ndele Ye ota ka xweenena ovatondadi vaye.

JESAJA 65:13

Opo nee Omwene, Kalunga ota ti ngaha: Tala, ovapiya vange otava ka lya, ndelenee nye otamu ka fya ondjala, tala, ovapiya vange otava ka nwa, ndelenee nye otamu ka fya enota, tala, ovapiya vange otava ka hafa, ndelenee nye otamu ka fifwa ohoni.

JESAJA 61:11

Osheshi ngaashi edu tali menifa oimeno yalo nongaashi oshikunino tashi menifa eembuto dasho, osho yo Omwene, Omwene ta menifa ouyuki nehambelelo moipafi yovanhu aveshe.

JESAJA 58:11

Ndele Omwene ote ku endifa alushe, ota kutifa omwenyo woye meenhele dihe nomeva, ndele ta pameke omakipa oye, ndele to ka kala ngaashi oshikunino shitalala sha tekelwa shili, ngaashi ofifiya ihai pumbwa nande omeva.

JESAJA 51:3

Osheshi Omwene ota hekeleke Sion ndele ta hekeleke omakulukuma aeshe asho, ombuwa yasho ote i shitukifa ngaashi Eden nofuka yasho oshikunino shOmwene; omo hamu kala enyakuko nehafo, ehambelelo noshihomo shomaimbilo.

EIMBILOELELA 8:13

Oonakukala moikunino, ookaume koye ohava pwilikine ondaka yoye. Itavelele nge, naame yo ndi i ude!

OVAEFESO 5:18

Inamu kolwa komaviinyu omo hamu di eliefo, ndelenee yadifweni kOmhepo;

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JESAJA 23:18

Ndelenee eliko lasho lomondado, nondjabi yasho yehaelo otai ka yapulilwa Omwene, ndele lo itali ka tuvikilwa, ndele itali ka tulikwa, ndelenee eliko lasho otali ka ninga okulya kwaava nomidjalo da wapala kwaava ve neenhele davo koshipala shOmwene.

JESAJA 5:1

Onda hala okwiimba omuholike wange, ame ndi imbe eimbilo lomuholike wange tali popi olo oshikokola shaye shomiviinyu. Omuholike wange okwa li e noshikokola shomiviinyu koshikulundudu sha wapala.

EIMBILOELELA 8:1

Ove ngeno wa kala naame ngaashi omumwameme omulumenhu wa nyama omavele ameme! Ngeno handi ku shakeneke pondje, ndi ku fipe komilungu, ame ngeno ihandi dinwa nande.

EIMBILOELELA 6:11

Ame nda ile koshikunino shoiimati ndi ka hafele ewapalo lomefilu, ndi tale omuviinyu ngeenge tau hape, eegranati ngeenge da eta eenhemo,

OMAPSALOME 16:3

Nokovayapuki vomoshilongo ohandi ti: “Ovo tuu ovayapuki, ohokwe yange aishe omuvo i li.”

OMAPSALOME 147:11

Omwene oha hokwa ava, have mu tila, ovava hava tula elineekelo lavo mouwanghenda waye.

OVATOKOLIPANGELI 14:11

Ndele vo eshi ve mu mona, va hoolola ookaume ovamati omilongo nhatu va kale pamwe naye.

OVATOKOLIPANGELI 14:20

Ndelenee omukainhu waSimson a ninga wakaume kaye, ou a li ongoleka yaye.

OMAYELETUMBULO 24:13

Omumwange, lya omaadi eenyiki, osheshi oo omawa, nomalodu omaadi eenyiki, osheshi oo manyenye kondakona yoye.

OMUUDIFI 2:5

Ame nde li ningila oikunino noikunino yomiti ndele muyo nda twika mo omiti di lili nadi lili doiimati.

EIMBILOELELA 1:13

Omuholike wange oye oshipandi shomirha, tashi tulumukwa pokati komavele ange.

EIMBILOELELA 4:8

Ila, omuvalekwa wange, tu dje kuLibanon; ila, tu dje kuLibanon. Dja ko konhele yaAmana, keexulo daSenir nodaHermon, okeenhele deenghoshi nokeemhunda deengwe.

GENESIS 37:25

Ndele tava kala omutumba tava li eendja. Ndele vo eshi va yelula omesho, ova mona divadiva osheendo shOvaismaeli tashi di kuGilead notashi yuka kuEgipiti. Eengamelo davo da li da humbata eka, nomaadi abalsam noidimba yomirha.