EIMBILOELELA 4:9 - Ombibeli Iyapuki

⁹ Ove wa vaka omutima wange, omuvalekwa wange nomumwameme wange, heeno, wa vaka omutima wange okepakumo limwe alike leisho loye, noshilanda shimwe ashike shomokalyenge koye komofingo.

EIMBILOELELA 4:9 Referans Kwoze

EIMBILOELELA 4:12

Omumwameme, nomuvalekwa wange e li ngaashi oshikunino sha idilwa, omufima wa idilwa, nofifiya ya patwa.

2 OVAKORINTO 11:2

Osheshi ohandi mu kondjele nouladi waKalunga, osheshi onde mu valekela omulumenhu umwe, ndi etele Kristus okakadona ka koshoka.

EIMBILOELELA 7:10

Ame owomuholike wange ndele ye oha djuulukwa nge.

EHOLOLO 21:2

Ndele ame nda mona oshilando shiyapuki, Jerusalem Shipe, sha kulukila pedu, sha dja meulu kuKalunga, sha wapalekwa ngaashi omuvalekwa a djalekelwa omulumenhu waye.

JOHANNES 3:29

Ou e nomuhombolwa, oye omuhomboli; ndelenee kaume komuhomboli ou e li ofika ndele te mu pwilikine, oye ta hafele shili ondaka yomuhomboli. Ehafo eli lange paife ola wanenena.

SEFANIA 3:17

Omwene Kalunga koye e li mokati koye, Ye Omuladi ha xupifa. Ye ote ku hafele nehafo. Ye ota kala nokumwena mohole yaye. Ye ote ku hafele noku ku nyakukilwa.

HESEKIEL 16:8

“Ndele Ame onda enda po pwoove, ndele nde ku mona, ndele tala, efimbo loye ola li efimbo lohole. Opo nee Ame nde ku uvika noshikutu shange nonda tuvika ouhamunghele woye. Heeno, Ame nde ku anenene ndele nda ninga ehangano naave, ndele ove wa ninga wange, Omwene Kalunga ta ti.

JESAJA 62:5

Osheshi ngaashi omulumenhu omunyasha ta hombola okakadona, osho yo ovamwoye otave ku hombola nongaashi omuhomboli ta hafele omuhombolwa osho yo Kalunga koye te ku hafele.

JESAJA 54:5

Osheshi Omumi woye, omulumenhu woye, Omwene, Omwene womatanga ovakwaita, olo edina laye, Omukulili woye Omuyapuki waIsrael. Oye ta ka ifanwa Kalunga kedu alishe.

EIMBILOELELA 6:12

divadiva omwenyo wange wa kaleka nge omutumba momatemba oshiwana shange sha fimana.

EIMBILOELELA 6:5

Pilamene nge osheshi omesho oye, oo haa shili nge. Eexwiki doye dokomutwe di li ngaashi oshuunda shoikombo tai koloka komhunda yaGilead.

EIMBILOELELA 4:10

Omumwameme, nomuvalekwa wange, ohole yoye inyenye ngahelipi! Ohole yoye inyenye i dule omaviinyu. Edimba lomivavo doye liwa li dule eebalsam adishe!

EIMBILOELELA 3:11

Piteni pondje, nye oukadona vaSion, nye mu tale nehafo ohamba Salomo, taleni oshidingo, ina kwe shi lidika efiku lohombo yayo, efiku olo omwenyo waye wa hafa.

EIMBILOELELA 1:15

Tala, ove wa wapala, omuholike wange. Tala, ove wa wapala, omesho oye e li ngaashi eenghutyona.

EIMBILOELELA 1:10

Eemhanda doye da wapala pamwe noulyenge nofingo yoye pamwe noilanda.

OMAPSALOME 45:9

Ovana veehamba oukadona ove li mokati kovakainhu voye, va fimana; omumbada woye ota kala ofika kolulyo loye, a djala oulenga woshingoldo shomuOfir.

1 OVAKORINTO 9:5

Katu na eenghono ngeno okweenda meengeda nomukainhu, omumwameme meitavelo, ongaashi ovayapostoli vakwetu novamwaina vOmwene naKefas tava ningi?

MATEUS 12:50

Osheshi keshe tuu ou ta wanifa ehalo laTate meulu, oye omumwameme omulumenhu nomumwameme omukainhu nameme.”

GENESIS 41:42

Opo nee Farao okwa kufa oshihakolinga meke laye ndele te shi tula meke laJosef. Ndele ye okwe mu djaleka oikutu iwa yoliina nokwe mu dika elyenge loshingoldo mofingo yaye.

GENESIS 20:12

Ye omumwameme shili. Ye omona okakadona katate, ndele ke fi omona wameme. Ndele ye a ninga omukainhu wange.

OMAYELETUMBULO 1:9

Osheshi lo oshidingo sha wapala komutwe woye noulyenge va wapala mofingo yoye.

HESEKIEL 16:11

Natango onde ku wapeka nomawapaleko noivela komaoko oye nokalyenge mofingo yoye.

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

OMAYELETUMBULO 6:25

Momutima woye ino halukila ouwa waye, neemhafu daye dihe ku kwate.