EIMBILOELELA 3:11 - Ombibeli Iyapuki

¹¹ Piteni pondje, nye oukadona vaSion, nye mu tale nehafo ohamba Salomo, taleni oshidingo, ina kwe shi lidika efiku lohombo yayo, efiku olo omwenyo waye wa hafa.

EIMBILOELELA 3:11 Referans Kwoze

JESAJA 62:5

Osheshi ngaashi omulumenhu omunyasha ta hombola okakadona, osho yo ovamwoye otave ku hombola nongaashi omuhomboli ta hafele omuhombolwa osho yo Kalunga koye te ku hafele.

JEREMIA 2:2

Inda u ka udifile momatwi aJerusalem u tye: Omwene ota ti ngaha: “Ame onda dimbulukwa ouwa wounyasha woye, nohole yoye, fimbo wa li omufuko omupe, eshi wa shikula nge mombuwa ihamu mene nande sha.

EHOLOLO 1:7

Tala, Ye ote uya moilemo, nomesho aeshe otae ke mu mona, naava yo ve mu tyuula; nomapata aeshe okombada yedu otaa ka lilaana, eshi tae mu mono. Heeno, Amen.

OVAHEBERI 13:13

Onghee hano tu yeni pondje kuye, twa dja meenhanda, nokuhumbata okushekwa kwaye;

MATEUS 12:42

Ohamba omukainhu yokoumbuwanhu otai ka fikama pamwe nepupi eli metokolo, ndele tai li pe etimba, osheshi oyo ya dile okominghulo dedu, ye uya okupwilikina eendunge daSalomo, ndele tala, ou e li apa, oku dule Salomo.

SEFANIA 3:17

Omwene Kalunga koye e li mokati koye, Ye Omuladi ha xupifa. Ye ote ku hafele nehafo. Ye ota kala nokumwena mohole yaye. Ye ote ku hafele noku ku nyakukilwa.

OMAPSALOME 9:14

oilonga yefimano loye alishe opo ndi shiive oku i hepaulula, ndi shiive okunyakukilwa exupifo loye moivelo yokakadona kaSion.

EHOLOLO 19:12

Nomesho aye e li ngaashi omitemo domundilo, nokomutwe waye oikoloni ihapu; Oye oku nedina la shangwa, itali shiivika nande okuumwe, okuye mwene aeke.

EHOLOLO 19:7

Tu nyakukweni, fye tu hafeni, fye tu mu pe efimano, osheshi ehombolo lOdjona ola fika, nomuhombolwa waye okwe lilongekida,

OVAHEBERI 2:9

Ndelenee ou a ninipikilwa okafimbo kanini e dulike kovaengeli, Jesus, otu mu wete a dikwa oshinge nefimano omolwouyehame wokufya, opo a lole efyo ponhele yaaveshe okefilonghenda laKalunga.

OVAKOLOSSI 1:18

Ndele Oye omutwe wolutu nokutya, weongalo, Oye tuu ou ehovelo, Omudalwa wotete ou a nyumuka kovafi, opo a kale omukomesho moinima aishe;

JOHANNES 15:11

Ei onde i mu lombwela, ehafo lange li kale munye, nehafo leni li kale la wanenena.

JOHANNES 3:29

Ou e nomuhombolwa, oye omuhomboli; ndelenee kaume komuhomboli ou e li ofika ndele te mu pwilikine, oye ta hafele shili ondaka yomuhomboli. Ehafo eli lange paife ola wanenena.

LUKAS 15:32

Ndele paife eshi otu nokuhafa, osheshi omumwanyoko ou okwa li a fya ndele okwa ninga vali omwenyo, okwa li a kana ndele okwa monika.’ ”

JEREMIA 32:41

Ndele ohandi hafele noku va ningila ouwa, nohandi va twike medu eli noudiinini, komutima wange aushe nokomwenyo wange aushe.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 4:4

Omwene nghee a feta po ekako lovana oukadona vaSion nokwa kosha omatimba ohonde aJerusalem mokati kavo nOmhepo yetokolo nOmhepo yeyelifo.

EIMBILOELELA 8:5

Olyelye ou ta di kombuwa, ve likwete nomuholike waye? Ame nde ku pendula momuti womuapula. Omo nyoko e ku dalela, omo mwa fetelwa ou naku ku pa omwenyo.

EIMBILOELELA 7:11

Ila, omuholike wange, tu ye koshilongo, fye tu ka nangale momikunda.

EIMBILOELELA 2:7

Nye oukadona vomuJerusalem, ohandi mu anifa eemenye noupundja vokepumbu: Inamu pendula, inamu weelela ohole, fiyo oyo vene ya hala.

EIMBILOELELA 1:5

Oukadona nye vokuJerusalem, ame ondi laula, ndelenee nda wapala, ngaashi omatwali aKedar, ngaashi oiendjeleloyata yaSalomo.

OMAPSALOME 48:11

Omhunda yaSion otai shi hafele, noukadona vaJuda tava nyakukilwa omatokolo oye.

SAKARIA 6:11

ove u tambule oshisiliveli noshingoldo, u ninge oshishani ove u shi dike komutwe womupristeli omukulunhu Josua yaJosadak,