EIMBILOELELA 2:3 - Ombibeli Iyapuki

³ Ngaashi omuti womuapula u li mokati komiti domomufitu, osho omuholike wange e li mokati kovamati. Nda hala okukala omutumba momudidimbe wao, noshiimati shao oshinyenye mokanya kange.

EIMBILOELELA 2:3 Referans Kwoze

EIMBILOELELA 8:5

Olyelye ou ta di kombuwa, ve likwete nomuholike waye? Ame nde ku pendula momuti womuapula. Omo nyoko e ku dalela, omo mwa fetelwa ou naku ku pa omwenyo.

JESAJA 32:2

Ndele keshe umwe wamuvo ta ka kala ngaashi oshikelelifo shokukelela omhepo nongaashi ehondameno lokuyaama oshikungulu ngaashi omakungulukilo omeva medu loluteni nomudidimbe wemanya lile medu lenotelo.

JESAJA 25:4

Osheshi Ove wa kala ohotengulu yovafyoona, heeno, ohotengulu yohepele moluhepo layo, ehondamenongulu lokuyaama odula, nomudile woshinhwi shomutenya, osheshi ehandu lovakolokoshi ongaashi oshikungulu tashi lidenge mekuma.

OVAHEBERI 12:2

omesho a taalela Jesus, omuhoveli nomuwanifi weitavelo, ou kwa li a hepekelwa momushiyakano omolwehafo e li tulikilwa, nokwa li ehe na ko nasha nomasheko, Oye a kala omutumba kolulyo lolukalwapangelo laKalunga.

HESEKIEL 47:12

Ndele pomulonga pominghulo adishe mbali omiti di lili nadi lili tadi ka ima oiimati hai liwa. Omafo ado itaa ka lemba noiimati ihai kuka. Mohani keshe tadi ka ima oiimati ipe, osheshi omeva ado taa di motembeli. Noiimati yado tai ka liwa nomafo ado okuvelula.”

JESAJA 4:6

Ndele otapa ka kala onduda yomudile wokukelela oupyu womutenya neameno lokwaamena koshikungulu nokodula.

JESAJA 4:2

Mefiku tuu olo Oshitutumine shOmwene otashi tutumine oixupe yaIsrael ewapalo nefimano, noimeno aishe yomedu otai menene oulenga woupuna.

EIMBILOELELA 5:16

Okanya kaye ounyenye woovene, ye mwene ondjelo yoovene. Heeno, omuholike wange osho e li; okaume kange osho a tya, nye oukadona vomuJerusalem.

EIMBILOELELA 4:16

Omhepo yokoumbangalanhu, penduka! Omhepo yokoumbuwanhu, ila, u pepele oshikunino shange, omadimba asho abalsam a tandavele. Omuholike wange ne uye moshikunino shaye na lye oiimati iwa i nondilo yomusho.

EIMBILOELELA 2:5

Pamekei nge noikamena yeeviinyu, hekelekei nge noiimati yomaapula, osheshi ohandi vele ohole.

OMAPSALOME 91:1

Ou e li omutumba meameno laau wOkombadambada, ndele ta kala momudidimbe wOmunaenghono adishe,

OMAPSALOME 89:6

Ile olyelye womoule meulu e fike pOmwene, movana ovamati vaKalunga elipipo a fa Omwene?

OMAPSALOME 57:1

Kalunga, file nge onghenda, file nge onghenda, osheshi kwoove omwenyo wange otau kongo ekwafo, ndele momudidimbe womavava oye onda hala okukonga eameno fiyo ehanauno la pita po.

OMAPSALOME 45:2

Ove, owa wapala u dule ovakwadu aveshe mouwa; ewapalonyenye ola tilwa komilungu doye; osho Kalunga e ku nangeka noupuna fiyo alushe.

OVATOKOLIPANGELI 9:15

Ndele eno la lombwela omiti: ‘Nye ngeenge mwa hala shili okuvaeka nge, ndi ninge ohamba yeni, ileni hano, mu yaame momudile wange. Ndelenee ngeenge hasho, omundilo tau di meno, tau lungwinifa po omiti omisederi domuLibanon.’

EIMBILOELELA 1:16

Tala, ove wa wapala, omuholike! Omutala wetu muwa ngahelipi, wa hapa ngahelipi!

EIMBILOELELA 4:13

Oitutuma yoye oyo oshikunino shomiti tadi imi eegranati, noiimati inyenye i nondilo, eenhemo dohenna nodonarde,

EIMBILOELELA 7:13

Oiimati yohole tai eta edimba, ndele poivelo yetu oku na oiimati i lili nai lili iwa i nondilo naai ipe naainya ikulu, onde i ku tuvikilila, omuholike wange.

EIMBILOELELA 8:11

Salomo e noshikokola shomiviinyu muBaal-Hamon. Oshikokola shomiviinyu e shi yandjela ovanangeli. Oiimati yasho tai landwa po ngeno eeshekeli deyovi.

EIMBILOELELA 8:12

Oshikokola shange shomiviinyu aame mwene handi shi pangele. Odo deyovi nadi ninge doye, Salomo, novanangeli voiimati yomusho nava pewe omafele avali.

JOEL 1:12

Omuviinyu wa kukuta, omukwiyu wa fya, omugranati nomulunga nomuti womuapula omiti adishe domoshilongo oda kukuta. Osheshi ehafo la fifwa ohoni, ola dja po kovana vovanhu.

OMAPSALOME 45:3

Omuladi ove, mangela omukonda woye moshiya shoye; limanga noshinge nounene woye.