EIMBILOELELA 1:4 - Ombibeli Iyapuki

⁴ Shile nge, natu endeleleni! Ohamba ya twala nge meenduda dayo domeni. Fye twa hala okunyakukwa noku ku hafela, nokufimaneka kwetu ohole yoye ku dule okufimaneka omaviinyu. Owa wana ve ku hole.

EIMBILOELELA 1:4 Referans Kwoze

JOHANNES 6:44

Kape na ou ta dulu okuuya kwaame okuninga Tate, ou a tuma nge, te mu shili. Ndele handi mu nyumuna efiku laxuuninwa.

HOSEA 11:4

Onde va shila momapando ovanhu nomiya dohole. Onda fa nda yululula ondjoko yomofingo yavo, ndele nda petama kuvo noku va palula.

JOHANNES 12:32

Naame ngeenge handi yelulwa po pedu, aveshe ohandi va shilile kwaame.

JEREMIA 31:3

Omwene okwe lihololela nge kokule. Heeno, onda kala ndi ku hole nohole yaalushe. Onghee nde ku shilila kwaame nouwanghenda.

OVAHEBERI 12:1

Onghee hano, eshi tu noshilemo shi fike apa sheendobwedi she tu dingilila, nafye yo tu liduleni keshe eshi tashi tu findile poshi, noulunde uhe kwete oku tu dingatela, fye tu lotoke nokudiinina mefiyafan o li li komesho yetu,

LUKAS 22:19

Opo nee Ye okwa kufa omungome a pandula, ndele te u pambula, ndele okwe u va pa ndele ta ti: “Eshi olutu lange tali yandjwa molweni, shi ningeni nokudimbulukwa nge.”

LUKAS 2:10

Ndele omweengeli wOmwene okwa tya kuvo: “Inamu tila, taleni ame ohandi mu udifile ehafo linene tali ningi lovanhu aveshe.

MATEUS 25:10

Ndele eshi va ya va ka lande, omuhomboli okwe uya; naavo va hangika ve lilongekida, ova ya mo pamwe naye koshivilo shehombolo, noshivelo osha idilwa po.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

JESAJA 63:7

Ame nda hala okuudifa omauwanghenda Omwene, oilongatumbalo yOmwene, aishe ei Omwene e tu ningila, nouwa waye muhapu keumbo laIsrael, ouwa ou e tu hololela pafilonghenda laye, nopaunene womauwanghenda aye.

JESAJA 61:3

okudika komutwe woonakunyika oluhodi vaSion, embale loulenga ponhele yomute, nomuvavo wehafo ponhele yoluhodi, oshikutu shehambelelo ponhele yomhepo ya djuupala; opo vo va ifanwe omiti domiterebinti douyuki, oshikunino shOmwene shoku mu fimanekifa.

JESAJA 45:25

Oludalo alishe laIsrael otali ka yukipalifwa mOmwene, ndele Oye efimano lavo.”

JESAJA 25:8

Ye ota ka hanauna po efyo fiyo alushe, ndele Omwene, Kalunga ta ka feta po omahodi momesho aaveshe, ndele ta ka xulifa po odino yovanhu vaye kombada yedu alishe. Osheshi Omwene osho a popya:

EIMBILOELELA 3:4

Ndele eshi tuu nde va koya po, ame nde mu mona, ou omwenyo wange u mu hole. Ame nde mu kwata ndele inandi mu efa, fiyo nde mu twala meumbo lameme nomonduda yanakudala nge.

OMAPSALOME 149:2

Israel na hafele omushiti waye, ovana vaSion nava nyakukilwe ohamba yavo.

OVAEFESO 2:6

ndele okwe tu nyumuna pamwe naye, nokwe tu tula mumwe naye moikwaulu muKristus Jesus,

SEFANIA 3:14

Akutu omona okakadona Sion, nyakukwa, ove Israel kuwilila! Nyakukwa ove u kuwilile nomwenyo aushe, omona okakadona Jerusalem.

OMAPSALOME 119:60

Ohandi uluma ndele itandi kanghama, ndi wanife oipango yoye.

OMAPSALOME 119:32

Onda hala ndi lotoke mondjila yoipango yoye, osheshi Ove to mbwalangadjifa omutima wange.

OMAPSALOME 111:4

Oye okwa dika oshidimbulukifo shoikumwifalonga yaye; Omwene Oye omunamutimanghenda nomunalukeno.

OMAPSALOME 63:5

Omwenyo wange otau palulwa, wa fa tau li omungo nomaadi; nokanya kange otake ku pandula, nomilungu di nenyakuko,

OMAPSALOME 48:9

Kalunga, ouwanghenda woye ohatu u dimbulukwa motembeli yoye.

OMAPSALOME 42:4

Mokudimbulukwa oinima ya pita, ohandi tileshi omwenyo wange; onda li handi ende mosheendo shongudu inene, hatu i nayo kongulu yaKalunga, twa hafa hatu imbi nokupandula mengafifi loshivilo.

1 PETRUS 1:8

Oye ou mu mu hole, nande inamu mu mona, naau mwe mu itavela, nande kamu mu wete paife ndele mwa hafa nokushambukwa nehafo hali nyenge okutumbulwa nola yela shili,

OVAFILIPPI 4:4

Hafeni alushe mOmwene! Navali handi ti: Hafeni!

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

OVAEFESO 6:24

Efilonghenda nali kale naaveshe ava ve hole Omwene wetu Jesus Kristus mokuhaxula po. Amen.

EIMBILOELELA 4:10

Omumwameme, nomuvalekwa wange, ohole yoye inyenye ngahelipi! Ohole yoye inyenye i dule omaviinyu. Edimba lomivavo doye liwa li dule eebalsam adishe!