DANIEL 9:4 - Ombibeli Iyapuki

⁴ Ndele ame onda ilikana Omwene, Kalunga kange, ndele nda hepaulula nda tya: “Akutu Omwene, Kalunga kanene nowa tilika, Ove ou to diinine ehangano nouwanghenda kwaava ve ku tila nokuwanifa oipango yoye.

DANIEL 9:4 Referans Kwoze

OVAROMA 8:28

Ndele otu shi shii, ava ve hole Kalunga, oinima aishe kumwe otave i longelwa ouwa, ava va ifanwa pamhangela yaye.

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

DEUTERONOMION 5:10

Ndele Ame ohandi file onghenda omayovi, aava ve hole nge ndele tava diinine oipango yange.

2 OMAFIMBO 7:14

ndele ovanhu vange, ava va lukilwa edina lange, otave lininipike ndele tava indile ndele tava kongo oshipala shange ndele tave lialuluka keendjila davo dii, Ame ohandi ka uda meulu nokudima po omatimba avo nokuvelula oshilongo shavo.

NEHEMIA 9:32

“Hano paife Kalunga ketu, munene, omunamapangelo, Kalunga onakutilika, ou ho diinine ehangano loye nouwanghenda woye: oupyakadi oo aushe, uhe u tale oo unini, we tu hanga ko neehamba detu novakulunhu vetu novapristeli vetu novaxunganeki vetu, ootate novanhu voye aveshe, okudja komafimbo eehamba daAsiria fiyo okefiku eli.

DEUTERONOMION 7:9

Kala u shi shii hano nokutya, Omwene Kalunga, Oye Kalunga koye, Kalunga omudiinini, ou ta diinine ehangano laye nouwanghenda kwaava ve mu hole ndele tava diinine oipango yaye, komaludalo eyovi.

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

DEUTERONOMION 7:21

Ino va haluka, osheshi Omwene Kalunga koye oku li pwoove, Oye Kalunga omunene noha tilika.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

LUKAS 1:72

a monifile ootate olukeno, Ye a dimbulukwe ehangano laye liyapuki,

JEREMIA 3:13

Shimwe ashike, kala wa koneka oulunde woye nokutya, ove owe liteeka Omwene Kalunga koye, ndele wa lotokela kombinga nombinga kovanailongo, koshi yomiti adishe ditalala, ndelenee ino pwilikina ondaka yange, Omwene osho ta ti.

NEHEMIA 1:5

ndele handi ti: “Akutu Omwene Kalunga komeulu, Oove Kalunga munene u nokutilika, ou ho diinine ehangano nonghenda kwaava ve ku hole ndele hava diinine oipango yoye,

ESRA 10:1

Ndele fimbo Esra ta indile ndele ta wile eombe mokulila, ndele ta hepaulula komesho yongulu yaKalunga, muIsrael mwa dja ongudu inene yovalumenhu noyovakainhu nounona tave uya kuye, osheshi ovanhu va lila nokulililila.

DANIEL 6:10

Opo tuu Daniel eshi a uda oshipango eshi sha shangwa, okwa ya keumbo laye. Ndele mondjuwo yaye yokombada mwa kala omakende a yeuluka a taalela kuJerusalem. Ndele lutatu mefiku ye a twa eengolo pekende ndele ta ilikana Kalunga noku mu hambelela, ngaashi a kala ha ningi shito.

DANIEL 9:3

Ndele ame onda taalela kOmwene Kalunga ndi mu etele eilikano lange nomaindilo mokulidilika nda djala oshako nonda vava omute.

DEUTERONOMION 7:12

“Ndele nye ngeenge tamu udu eenghedimhango edi ndele tamu di wanifa, Omwene Kalunga keni ote ke mu diininina ehangano nouwanghenda ou, Ye e u anenene ooxo,

JEREMIA 32:23

Ndelenee vo eshi ve uya mo nove li nangala, inava pwilikina ondaka yoye noinava shikula omhango yoye, nongaashi inava wanifa ei aishe we va lombwela ve i wanife. Onghee wa efa va hangike komupya ou aushe.