DANIEL 7:5 - Ombibeli Iyapuki

⁵ Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’

DANIEL 7:5 Referans Kwoze

DANIEL 2:39

Ndele ove to ka shikulwa kouhamba umwe u dulike kwaau woye, ndele tau shikulwa kouhamba omutitatu woshikushu notau ka pangela edu alishe.

HOSEA 13:8

Ohandi va nhukile ngaashi emwangha olo la kufwa oumwanghona ndele handi pombaula oingone yomutima, ndele ngaashi onghoshi yonghadi handi pona po. Oilyani yomofuka otai va nyanyaula.

DANIEL 11:2

“Ndele paife ohandi ke ku shiivifila oshili: Tala, muPersia tamu ka holoka natango eehamba nhatu, ndele onhine otai ke likola oupuna uhapu, i dule dikwao adishe moupuna. Neenghono dayo eshi da hapupala molwoupuna wayo, yo otai ka shiva aveshe okulwifa oshilongo shaGreka.

DANIEL 5:28

Peres, otashi ti: oshilongo shoye osha tetaulwa ndele sha yandjwa kOvamedia nOvapersia.”

JESAJA 56:9

Ongaleni, onye oifitukuti amushe yomofuka mu uye mu lye! Oifitukuti nye amushe yomoixwa!

OMAYELETUMBULO 17:12

Okushakeneka emwangha la kufwa koumwanghona valo, oku dule okushakeneka elai moulai walo.

2 EEHAMBA 2:24

Ye eshi a punguluka nokwe va mona, te va tula omutima medina lomwene. Opo nee momufitu mwa dja oilyani omamwangha avali, ndele taa pombaula ovamati vanini omilongo nhee navavali, va fya.

EHOLOLO 13:2

Noshilyani osho nde shi mona, osha li ngaashi ongwe, nomakasha asho okwa fa aa emwangha, nokanya kasho oka fa okanya konghoshi; ndele ongadu oye shi pa eenghono dayo nolukalwapangelo layo nepangelonghono linene.

DANIEL 7:4

Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu.

DANIEL 7:6

Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo.