DANIEL 7:4 - Ombibeli Iyapuki

⁴ Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu.

DANIEL 7:4 Referans Kwoze

JEREMIA 4:7

Onghoshi otai shituluka momufitu wayo, nomuhanauni woiwana okwa fikama, a dja konhele yaye yokukala, a teye po oshilongo shoye shi ninge ombuwa. Oilando yoye otai ka ninga omaputu, itamu kala vali ovanhu.

HESEKIEL 17:3

Omwene Kalunga ta ti ngaha: Onhwa yakula nomavava manene, nomenya male noidudilo ihapuihapu, i noutotone vahapu, ye uya kuLibanon, ndele ya kufa oxulo yomuti womusederi.

MATEUS 24:28

Osheshi koima ku noshimhu, oko taku ongala eenhwa.

DANIEL 4:36

Mefimbo tuu linya onda alulilwa eendunge neenghonopangelo dange nefimano lange ola alulilwa nge okefimano loshilongo shange. Nomalenga ange novakulunhu ova ila nge ndele ame nda nangekululwa moshilongo shange. Neenghonopangelo dange oda hapupala unene neenghono.

HESEKIEL 28:9

Ove oto ka tya tuu moipafi yaau te ku dipaa, nokutya: “Aame kalunga,” nande ove omunhu, momake aava tave ku tu, ove ku fi kalunga?

HESEKIEL 28:2

“Kaana komunhu, lombwela omupangeli waTirus u tye: Omwene Kalunga ota ti ngaha: Omutima woye eshi we linenepeka ndele wa tile: Aame kalunga, ame ohandi kala omutumba kolukalwa lookalunga mokati kefuta; nande ove omunhu, ku fi kalunga, ndele omutima woye we u ninga ngaashi omutima wakalunga.

OMAIMBILOKEMO 4:19

Ovataataai vetu va li ve nonhapo i dule okutuka kweenhwa domevalelwa. Ovo ve tu shikula keemhunda, ve tu nangela mofuka.

JEREMIA 48:40

Osheshi Omwene osho ta ti ngaha: Tala, ye ota ka tuka ngaashi onhwa tai tengelele kombada yaMoab.

JEREMIA 25:38

Oye okwa shituluka moshixwa ngaashi onghoshi yonyasha; oshilongo shavo osha ninga ombuwa okeongamukonda li neenghono nokexwamo lehandu laye.

JEREMIA 4:13

Tala, ote uya ngaashi oshilemo nongaashi omhepo yoshikungulu, osho omatemba aye oita e li. Eenghambe daye odi nonhapo di dule eenhwa. Woo fye, osheshi fye ohatu hanaunwa po!

OMAPSALOME 9:20

Omwene, va halukifa; novapaani nave lishiive ovo ovanhu. Sela

JOB 25:6

Ngahelipi hano omunhu einyo, nomona womunhu, oshiyokashi!”

2 SAMUEL 1:23

“Saul naJonatan, ovaholafani novahokwafani inava tukauka mokukala nomwenyo kwavo nomokufya kwavo. Monhapo ve dule eenhwa, meenghono ve dule eenghoshi!

DEUTERONOMION 28:49

Omwene ote ku tumine oshiwana shokokule, okomunghulo wedu, ngaashi onhwa tai tuka, oshiwana elaka lasho ku li udite,

EHOLOLO 13:2

Noshilyani osho nde shi mona, osha li ngaashi ongwe, nomakasha asho okwa fa aa emwangha, nokanya kasho oka fa okanya konghoshi; ndele ongadu oye shi pa eenghono dayo nolukalwapangelo layo nepangelonghono linene.

DANIEL 7:5

Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’

JEREMIA 49:19

Tala, ngaashi onghoshi tai shituluka momufitu waJordan ndele tai uya koulifilo muwa, osho yo Ame ohandi ke va ta mo divadiva, naau a hoololwa, handi mu nangeke mo omufita. Osheshi olyelye a e fa nge, nolyelye ta dulu okuhokololifa nge? Olyelye omufita ou ta dulu okukala koshipala shange?

DANIEL 2:38

ndele mounyuni aushe apa pe novanhu noifitukuti yomofuka needila dokeulu, Kalunga okwe i yandja meke loye, ndele e ku ninga omupangeli waaishe: Oove ou omutwe woshingoldo.

DANIEL 7:12

Noilyani ikwao yo oya nyekwa eenghono dayo. Oule wokukala kwayo wa yelekwa efimbo notundi.