DANIEL 7:10 - Ombibeli Iyapuki

¹⁰ eenghungulukilo domundilo oda tondoka, da dja koshipala shaye, eyovi lwomayovi ove mu longela, nomayovi omulongo lwomayovi omulongo ova kala ofika koshipala shaye. Ovatokoli va kala omutumba, omambo a nyanunwa.

DANIEL 7:10 Referans Kwoze

JESAJA 30:27

Tala, edina lOmwene otali uya tali di kokule, ehandu laye ola xwama noilemo ilaula yomwifi otai yeluka pombada; omilungu daye oda yada oupyuhandu nelaka laye ngaashi omundilo hau lungwinifa,

DEUTERONOMION 33:2

Ndele ye okwa tile: Omwene okwe uya, a dja kuSinai, ndele okwe va pitila ngetango muSeir. Ye okwe va holokela mouyelele woshinge keemhunda daParan nokwa dja mengafifi lovayapuki omayovi omulongo. Kolulyo laye kwa monika omhango ya xwama omundilo moipafi yavo.

EHOLOLO 5:11

Ame onda mona, ndele nda uda ondaka yovaengeli vahapu, va dingilila olukalwapangelo noinamwenyo novakulunhu, nomuvalu wavo owa li omayovi omulongo lwomayovi omulongo, neyovi lweyovi,

OMAPSALOME 50:3

Kalunga ketu ote uya, Ye ita mwena; omundilo wokulungwinifa po, otau mu pitile komesho, nokafudaela kanene otake mu dingilile.

OMAPSALOME 68:17

Omatemba oita aKalunga, oo omayovi omulongo eyovi lweyovi; Omwene ota kala mokati kavo, moukalelo waye, ngaashi kuSinai.

JUDAS 1:14

Naave yo Henok, omutiheyali kokudja kuAdam okwe va xunganeka, a tya: “Tala, Omwene ote uya novayapuki vaye omayovi omilongo,

MATEUS 25:31

“Ndele Omona wOmunhu eshi te uya moshinge shaye novaengeli vayapuki aveshe pamwe naye, opo nee ota kala omutumba kolukalwapangelo loshinge shaye.

JESAJA 30:33

Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

DANIEL 7:22

fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo.

OVAHEBERI 12:22

Ndelenee nye omwa ehena komhunda yaSion nokoshilando shaKalunga omunamwenyo, okuJerusalem shomeulu nokovaengeli vomayovi omilongo,

SAKARIA 14:5

Ndele onye tamu ka ya onhapo mefilu lopokati keemhunda dange, osheshi efilu lopokati keemhunda tali ka hanga fiyo okuAsal. Ndele onye tamu ka ya onhapo ngaashi mwa dja onhapo ekakamo ledu pomafiku aUssia, ohamba yaJuda. Opo tuu Omwene Kalunga kange ota holoka novayapuki aveshe pamwe naye.

DANIEL 7:26

Ndelenee ovatokoli tava ka kala omutumba, ndele vo otave i kufa eenghonopangelo dayo, tadi hanaunwa po ndele tadi dimwa po filu.

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

EHOLOLO 11:18

Oiwana yovapaani oya handuka, shaashi ehandu loye ole uya, nefimbo ola fika, ovafi va tokolwe novapiya voye ovaxunganeki novayapuki naava hava tila edina loye, ovanini novanene, va pewa ondjabi naava hava nyono edu, va nyonaunwe po.”

2 OMAFIMBO 18:18

Mikaia ta ti vali: “Pwilikina ondjovo yOmwene, eshi ta ti: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

OMAPSALOME 18:8

Omwifi wa lundumuka meyulu laye, nomundilo mokanya kaye, nomutemo womakala wa ndwafuka muye.

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

JOB 25:3

Olyelye ta dulu okuvala omatanga aye ovakwaita? Nolyelye ou, ouyelele waye itau mu yelele?

OMAPSALOME 103:21

Eengudu dovakwaita vaye amushe, hambeleleni Omwene, ovapiya vaye nye, ava hamu wanifa ehalo laye.