DANIEL 3:6 - Ombibeli Iyapuki

⁶ Ndele ou ite linyongamene poshi ndele ita ilikana, opo tuu ta ka ekelwa mediko lomundilo.”

DANIEL 3:6 Referans Kwoze

MATEUS 13:50

ndele tave va ekele mediko la hanya; omo tamu kala elilaano nelikweshelo lomayoo.

MATEUS 13:42

ndele tave va ekele mediko la hanya; omo hamu kala elilaano nomalikweshelo omayoo.

JEREMIA 29:22

Ndele vo otava ka ninga ondjovo yefingo keenghwate adishe domuJuda, di li muBabilon, tapa tiwa: “Omwene ne ku ninge ngaashi Sedekia naAhab, ovo va yofwa momundilo kohamba yaBabilon,”

DANIEL 3:15

Paife eshi, ngeenge tamu udu ondaka yomanghuma noyeenyalilo noyouyaayaa noyoushandja noyouxumbafeta noyoumbulumbubwa nondaka youxumba ve lili nove lili, kaleni mwe lilongekidila okulinyongamena poshi nokwiilikana oshitelekwafano eshi nde shi ninga, opo nawa. Ndelenee ngeenge itamu ilikana, opo tuu opo tamu ekelwa mediko lomundilo. Ndele Kalunga ou te mu xupifa momake ange, olyelye?”

DANIEL 3:11

ndele keshe ou ta anye okulinyongamena poshi nokwiilikana, oye na ekelwe mediko lomundilo.

EHOLOLO 14:11

Nomwifi womayehameko avo ohau yeluka pombada alushe fiyo alushe, ndele vehe netulumuko omutenya noufiku ava ve linyongamena oshilyani noshiyelekela shasho, nakeshe ou a tambula edidiliko ledina lasho.”

EHOLOLO 9:2

Ndele yo ya yeulula ombwili yomokule mwi ihe nexulilo, ndele mwa dja okalungululu, ka fa okalungululu komediko lakula, ndele etango nevalelwa ola laulikwa kokalungululu komombwili.

MARKUS 6:27

Diva ohamba oya tuma ko omukwaita, ndele okwe mu lombwela a ete omutwe waJohannes. Ou okwa ya ndele okwe mu teta omutwe modolongo,

MATEUS 4:9

ndele ta ti kuye: “Aishe ei ohandi i ku pe, ngeenge to twile nge eengolo ndele to linyongamene nge.”

DANIEL 6:7

Omalenga aeshe makulu omoshilongo, noongoloneya nookansela novapanguli neekomanda novanambelewa aveshe noovene vomikunda, otwa udafana kutya ohamba oi nokuyandja oshipango nokupameka ondaka yekelelo nokutya, pomafiku omilongo nhatu, ngeenge pe nomunhu ta indile sha kukalunga kamwe ile komunhu mukwao, shapu kwoove akuke ohamba, ye na ekelwe mekololo leenghoshi.”

DANIEL 3:21

Opo nee ovalumenhu ava va mangwa, ova li va djala oikutu ile neembaikifa nomambale noikutu yavo imwe, ndele tava ekelwa mediko lomundilo.

DANIEL 2:5

Ohamba oya nyamukula Ovakaldea ndele tai ti: “Eendjovo dange edi dihe shii okulundululwa: ngeenge inamu tomonena nge ondjodi ei nefatululo layo, ohandi ke mu tetaula oinhimbu nomaumbo eni otaa ka ninga oyuumbo.

JESAJA 44:17

Ndele eshi sha xupa po ote shi hongo kalunga, oshihongwafano shaye, te shi twile eengolo, ndele te shi linyongamene, ndele ta ti: “Xupife nge, osheshi oove kalunga kange!”

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

GENESIS 19:28

Ye eshi a tala langhele kuSodom naGomorra nokefilu alishe laJordan, okwa mona omwifi tau di medu ndele tau lundumuka ngaashi omwifi womediko loivela.

DANIEL 3:7

Opo nee oiwana aishe nomaludi nomalaka eshi ya uda ondaka yomanghuma noyeenyalilo noyouyaayaa noyoushandje noyouxumbafeta noyoumbulumbubwa nondaka youxumba ve lili nove lili, opo nee oiwana aishe nomaludi nomalaka oye linyongamena poshi ndele tai ilikana oshitelekwafano shoshingoldo, osho sha dikwa kohamba Nebukadnesar.

DANIEL 5:19

Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala.