DANIEL 12:2 - Ombibeli Iyapuki

² Ndele vahapu vomwaava hava nangala mondwi yedu, tava ka penduka, vamwe tava nyumukile omwenyo waalushe, vakwao okufifwa ohoni noixuna yaalushe.

DANIEL 12:2 Referans Kwoze

JESAJA 26:19

Ovafi voye otava ka ninga ovanamwenyo, oimhu yange otai ka nyumuka. Dudulukeni, nye mu nyakukwe, onye amushe ava mwa nangala mondwi, osheshi omume yoye oyo omume youyelele, nedu otali ka eta mo ovafi.

MATEUS 25:46

Ndele ava tava i mokuhandukilwa kwaalushe, ndele ovayuki omomwenyo waalushe.”

HESEKIEL 37:12

Onghee hano, xunganeka u va lombwele: Omwene Kalunga ta ti ngaha: Taleni, Ame ohandi ka lafulula eembila deni, ndele handi ke mu kufa mo meembila deni, akutu oshiwana shange, ndele Ame ohandi mu eta moshilongo shaIsrael.

EHOLOLO 20:12

Ndele nda mona oonakufya, vanini novanene, ve li ofika moipafi yolukalwapangelo; nomambo a nyanunwa; nembo likwao la nyanunwa, olo lomwenyo. Noonakufya ova tokolelwa ei ya shangwa momambo pailonga yavo.

OILONGA YOVAYAPOSTOLI 24:15

nondi neteelelo olo lomuKalunga, navo vene ngaashi ve li kwete yo, nokutya, otaku ka kala enyumuko lovayuki nolovalunde.

1 OVATESSALONIKI 4:14

Osheshi fye ngeenge hatu itavele Jesus a fya, ndele a nyumuka, opo nee Kalunga ota ka eta pamwe naye ovo va kofa mo muJesus.

JESAJA 66:24

Ndele vo otava piti mo ndele tava ka tala oimhu yovalumenhu ava ve liteeka nge; osheshi einyo lavo itali fi, nomundilo wavo itau dimi, ndele tava ka kala oixuna yongaho kombelela aishe.

JEREMIA 20:11

Ndelenee Omwene Oye oku li pamwe naame ngaashi omuladi omunaenghono. Onghee ovataataai vange tava ka punduka, vo itava dulu sha. Ove nokufifwa ohoni shili, osheshi inava kala neendunge. Elengaifo lavo otali kala alushe, itali dimbuwa.

HOSEA 13:14

Ohandi ke va mangulula meenghono dokoufi, ohandi ke va kulila mefyo. Efyo, oudu woye u nolutapo u li peni? Oshovafi, ekanifo loye oli li peni? Elivelo lombedi tali kala la holekwa momesho ange.

OVAROMA 9:21

Ile omuhongi woitoo ita dulu a honge medu tuu eli limwe oshitoo shefimano noshikwao shihe nefimano?

OILONGA YOVAYAPOSTOLI 7:60

Ndele ye okwa twa eengolo ndele ta ingida mokule unene: “Omwene, etimba eli ino li va valulila”. Ndele eshi e di tya, okwa kofa po nee.

OMAYELETUMBULO 12:8

Omulumenhu ta fimanekwa paendunge daye. Ndelenee ou e nomutima wa pilalala ta ka dinwa.