DANIEL 10:16 - Ombibeli Iyapuki

¹⁶ Ndele tala, umwe a fomunhu okwa kuma nge komilungu dange. Opo ame nda makula okanya kange, ndele handi popi handi lombwele ou, a kala ofika koshipala shange, handi ti: “Mwene wange, omolwemoniko nda kwatwa koudjuu, ndele kandi neenghono vali.

DANIEL 10:16 Referans Kwoze

DANIEL 8:15

Ndele ame Daniel, eshi nda mona emoniko eli, onda konga eendunge doku li shiiva, ndele tala, umwe, a fomulumenhu, okwa kala ofika koshipala shange.

JESAJA 6:7

nokwe li kumifa omilungu dange, ndele ta ti: “Tala, olo ola kuma omilungu doye; oikolo yoye oya kufwa po, nomatimba oye a dimwa po.”

JEREMIA 1:9

Opo nee Omwene okwa nana eke laye nokwa kuma nge kokanya. Ndele Omwene okwa tya kwaame: “Tala, ohandi tula eendjovo dange mokanya koye.

DANIEL 8:27

Ndele ame Daniel, nda li nda tyololoka nonda vela omafiku. Opo nee ame nda penduka po, ndele handi yakula ohamba. Ndele emoniko eli la halula nge, neendunge dalo oda nyenga nge.

DANIEL 8:17

Opo ye e uya popepi nonhele apa ndi li. Ndele ye eshi e uya, ame nda haluka, ndele nde lifidimika poshi. Ndele ye okwa lombwela nge ta ti: “Omona womunhu, didilika, osheshi emoniko eli otali xunganeke efimbo laxuuninwa.”

DANIEL 7:28

“Oshinima eshi sha xulila apa. Ame, Daniel, onda halukifwa unene komadiladilo ange, noshipala shange osha shituka, ndelenee oshinima eshi onde shi tuvikila momutima wange.”

DANIEL 7:15

“Ame, Daniel, nda li ndi udite omhepo yange oya nyika oluhodi mwaame, nomamoniko nde a mona okwa halula nge.

EHOLOLO 1:13

nomokati koixwekelwashela onda mona mo umwe, a fa Omona wOmunhu a djala oshikutu shile sha twa keemhadi, nekwamo loshingoldo ponhulo.

JOHANNES 20:28

Ndele Tomas okwe mu nyamukula, ta ti: “Omwene wange naKalunga kange.”

LUKAS 21:15

Osheshi Ame ohandi mu pe okanya nomaunongo taa nyenge ovakondjifi veni aveshe oku mu nyamukula ile oku mu twifa eemhata.

LUKAS 1:64

Opo tuu opo okanya kaye nelaka laye ola fituluka, ye okwa popya ndele ta hambelele Kalunga.

DANIEL 12:8

Ndele ame onde shi uda, ndelenee nghi shi udite ko, onghee nda tya: “Omwene wange! Exulilo loinima ei otali kala la tya ngahelipi?”

DANIEL 9:21

fimbo handi popi natango meilikano, omulumenhu winya, Gabriel, ou nde mu monene memoniko lange linya, okwe uya kwaame ta endelele e uya popepi nefimbo leyambo longuloshi.

HESEKIEL 33:22

Ndele eke lOmwene la kala kombada yange onguloshi fimbo omwiinhapo ine uya. Ndele Ye okwa makulifa okanya kange mongula pefimbo Ye e uya kwaame. Osho ngaha okanya kange ka makulwa, naame inandi fita vali ondaka.

HESEKIEL 3:27

Ndelenee Ame ngeenge handi popi naave, Ame ohandi ka makula okanya koye, ndele ove u noku va lombwela: Osho Omwene Kalunga ta popi. Ou ta udu, na ude ko, naau iha udu, na kale iha udu, shaashi vo epata ihali dulika.

HESEKIEL 1:26

Ndele kombinga ei yokombada yevalelwa oyo ya li kombada yomitwe dayo, pa kala sha sha fa emanya lasafir, molupe lolukalwapangelo. Nomolupe lolukalwapangelo nda mona olupe lwa fa omunhu.

OMUUDIFI 1:18

Osheshi apa pe nounongo uhapu, ope na yo oluhodi linene, nokushiiva ngeenge taku hapupala, ouyehame yo tau hapupala.

OVATOKOLIPANGELI 13:8

Ndele Manoah okwa indila kOmwene ndele ta ti: “Akutu Omwene, omulumenhu waKalunga, ou we mu tuma, ne uye vali lumwe kufye, opo ye e tu longe nhumbi tu nokuninga nokaana okamati aka taka ka dalwa.”

OVATOKOLIPANGELI 6:15

Ndelenee ye okwe mu pula: “Akutu, Omwene, Israel ohandi ke shi xupifa nashike? Tala, oludi letu olongahoelela kuManasse, naame mwene omuxupielela movambuletu.”

OVATOKOLIPANGELI 6:13

Opo nee Gideon te mu pula: “Akutu, Omwene wange, Omwene ngeenge e li pamwe nafye, omolwashike hano oinima aishe ei ye tu wila? Noikumwifalonga yaye, oyo ootate ve tu hepaululila, oi li peni? Venya eshi va tile: Omwene haye e tu pitifa mo muEgipiti? Ndelenee paife Omwene e tu ekelashi ndele e tu yandja meke lOvamidian.”

JOSUA 5:14

Ndele ye ta ti: “Ahowe, ame ondjai yomatanga ovakwaita vOmwene.” Paife onde uya. Opo nee Josua okwa wila eombe nokwe linyongamena ndele te mu pula: “Omwene wange okwa hala okulombwela omupiya waye shike?”

EXODUS 4:13

Ndelenee ye ta ti: “Akutu Omwene, tuma ko umwe, nande olyelye wa hala.”

EXODUS 4:10

Opo nee Moses okwa lombwela Omwene: “Akutu Omwene, ame nghi shii kupopya; onghela nongheleinya nonena eli, eshi wa popifa omupiya woye; osheshi okutumbula kwange taku nyenge nge nelaka lange olidjuu.”

DANIEL 4:19

Opo nee Daniel, ou a ifanwa Beltesasar, okwa li a haluka okafimbo, omadiladilo aye okwe mu tilifa. Ndele ohamba oya popya tai ti: “Beltesasar, ondjodi netomono layo inali ku tilifa.” Beltesasar okwa nyamukula ndele ta ti: “Omwene wange, ondjodi nai uye kombada yovatondadi voye netomono layo nali uye kombada yovanaita naave.

DANIEL 8:18

Ndele fimbo ta popi naame, ame onda fya ombabanghukuta, onda wila eombe pedu. Opo nee ye okwa kuma nge ndele ta kaleke nge ofika.