DANIEL 10:1 - Ombibeli Iyapuki

¹ Momudo omutitatu waKores, ohamba yaPersia, Daniel, ou a lukwa Beltesasar, okwa hololelwa ondjovo. Nondjovo ei oyo oshili ndele otai popi omahepeko manene. Ndele ye okwa uda ondjovo ndele a shiiva emoniko olo.

DANIEL 10:1 Referans Kwoze

DANIEL 8:26

Ndele emoniko eli la tongwa leenguloshi noleengula olo loshili. Ndele ove emoniko li mwenenena, osheshi tali xunganeke efimbo lokomesho kokule.”

DANIEL 6:28

Ndele Daniel ou a kala e nefimano mounyuni waDarius nomounyuni waKores Omupersia.

DANIEL 1:21

Ndele Daniel okwa kala ko fiyo okomudo wotete wohamba Kores.

DANIEL 1:7

Ndelenee omukulunhu womalenga okwe va lukulula: Daniel okwe mu luka Beltesasar, Hanania okwe mu luka Sadrak, naMishael Mesak, naAsaria okwe mu luka Abednego.

DANIEL 1:17

Ndele ovanyasha ovamati ava vane, Kalunga okwe va pa omayele okukoneka omishangwa adishe nounongo keshe. Daniel okwa li e neendunge dokushiiva omamoniko neendjodi.

EHOLOLO 19:9

Oye omweengeli a lombwela nge: “Shanga u tye: Ovanelao ovovo va ifanwa kehombolo lOdjona.” Ndele ta ti kwaame: “Eendjovo odo odoshili daKalunga.”

DANIEL 12:9

Ndele ye okwa tya: “Inda ashike, Daniel! Osheshi eendjovo odo tadi kala da holekwa noda hakifwa noshihakifo fiyo okexulilo lefimbo.

DANIEL 12:4

Ndele ove Daniel mwenenena eendjovo edi, ndele hakifa omushangwa noshihakifo fiyo okefimbo lexulilo. Vahapu tave ke u konakona, neendunge tadi ka hapupala.”

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

DANIEL 5:17

Opo Daniel a nyamukula, ndele ta ti moipafi yohamba: “Kala noinima yoye, neeshali doye di pa omunhu umwe. Ndele ame onda hala ndi leshele ohamba eshangelo eli nondi tomonene eendunge dalo.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

JESAJA 44:28

Aame ou, handi lombwele Kores: ‘Omufita wange! Ndele ye ota fikifa ehalo lange la wana’, eshi ta ti kuJerusalem: ‘Ove tungwa!’ Nokotembeli: ‘Omakanghameno oye naa dikwe!’ ”

ESRA 6:14

Novakulunhu vOvajuda va tunga ndele va ehenifa etungo nawa komesho omolweyakulo lomaxunganeko ovaxunganeki Haggai naSakaria yaIddo. Ndele va tunga ndele etungo ve li xulifa kelombwelo laKalunga kaIsrael nokelombwelo laKores nolaDarius nolaArtasasta, ohamba yaPersia.

ESRA 6:3

“Aa omadimbulukoshangwa: momudo wotete wohamba Kores, ohamba Kores ya yandja elombwelo: Ongulu yaKalunga yomuJerusalem, ongulu oyo i nokutungululwa i ninge onhele yokuyambela; nomakanghameno ayo e nokutungwa. Oule wayo wopombada eemeta omilongo hamano, nounene wayo eemeta omilongo hamano;

ESRA 4:5

Ndele va futa ovo ve va kondjifa va ongoloke omhangela yavo omafiku aeshe aKores, ohamba yaPersia, fiyo okepangelo laDarius, ohamba yaPersia.

ESRA 4:3

Ndelenee Serubbabel naJosua novakulunhu vamwe vomapata aIsrael ve va nyamukula: “Ahowe, itashi dulika mu tungile Kalunga ketu ongulu pamwe nafye, ndelenee fye atuke hatu ke i tungila Omwene Kalunga kaIsrael ngaashi ohamba Kores, ohamba yaPersia, ye tu lombwela.”

2 OMAFIMBO 36:22

Ndele momudo wotete waKores, ohamba yaPersia, opo ondjovo yOmwene e i lombwela Jeremia, i wanifwe, Omwene okwa pendula omhepo yaKores, ohamba yaPersia, i shiivifile oshilongo shaye ashishe ndele ye shi shange yo monhumwafo nokutya:

GENESIS 41:32

Naashi Farao a tuulula ondjodi luvali, otashi ti: oshinima eshi osha pama sha pangelwa kuKalunga ndele Kalunga ote ke shi wanifa diva.

LUKAS 1:20

Ndele tala, ove to fiti ondaka, ito shiiva okupopya fiyo efiku olo eshi tashi ningwa, shaashi ino itavela eendjovo odo dange, tadi wanifwa shili pefimbo lado.”

DANIEL 11:2

“Ndele paife ohandi ke ku shiivifila oshili: Tala, muPersia tamu ka holoka natango eehamba nhatu, ndele onhine otai ke likola oupuna uhapu, i dule dikwao adishe moupuna. Neenghono dayo eshi da hapupala molwoupuna wayo, yo otai ka shiva aveshe okulwifa oshilongo shaGreka.

DANIEL 8:16

Ndele ame onda uda ondaka yomunhu ya dja pokati komulonga waUlai, oya ingida ndele tai ti: “Gabriel, emoniko eli li tomonena ou e li po.”

DANIEL 5:12

osheshi omhepo iwa, neendunge nomayele okutomona eendjodi nokufatulula eetumbutumbu nokuholola oinima ya futikwa, okwa monika muye, muDaniel, edina laye eli a lukwa kohamba Beltesasar. Paife Daniel na ifanwe, oye te ku tomonene omayele eshangelo eli.”

DANIEL 4:8

Opo nee hauxuuninwa Daniel e uya koshipala shange, oye tuu ou a lukilwa kalunga kange Beltesasar, ndele muye omu nomhepo yookalunga vayapuki. Ndele ame onde mu hepaululila ondjodi:

ESRA 3:7

Ndelenee va yandja oimaliwa kovahongi vomamanya novoipilangi. Ndele kOvasidoni nokOvatirus va yandja ko eendja noikunwa nomaadi, va kufe omiti domisederi muLibanon, ndele ve di ete kefuta kuJoppa pashipango shaKores, ohamba yaPersia, ye shi va pa.