DANIEL 1:9 - Ombibeli Iyapuki

⁹ Ndele Kalunga okwa itavela Daniel a mone onghenda nohokwe koshipala shomukulunhu womalenga.

DANIEL 1:9 Referans Kwoze

GENESIS 39:21

Ndelenee Omwene okwa li naJosef nokwe mu monifila ouwanghenda nokwe mu hokwifa momesho omukulunhu wodolongo.

OMAYELETUMBULO 16:7

Eendjila domulumenhu ngeenge tadi wapalele Omwene, Ye ote mu anuna novatondadi vaye.

OMAPSALOME 106:46

nokwe va filifa onghenda kwaaveshe, ava ve va kwata oupika.

1 EEHAMBA 8:50

ndele dimina po ovanhu voye, osho ve shi nyona kwoove, heeno, omanyono avo aeshe, eshi va nyonene koshipala shoye. Va uditifila onghenda ovo, ve va kwata eenghwate, opo ve va filonghenda.

NEHEMIA 2:4

Opo nee ohamba tai pula nge: “Ove wa hala shike hano?” Ndele ame nda indila Kalunga komeulu

OILONGA YOVAYAPOSTOLI 7:10

nokwe mu xupifa moudjuu waye aushe, ndele okwe mu pa onghenda nounongo koshipala shaFarao, ohamba yaEgipiti neumbo laye alishe.

OMAPSALOME 4:3

Shi shiiveni nokutya, Omwene okwe lihoololela omuyuki, Omwene ota udu nge, ngeenge handi mu ifana.

NEHEMIA 1:11

Akutu Omwene, okutwi kwoye naku ude hano eindilo lovapiya voye ovo va hala okutila edina loye! Ndele nena eli pa omupiya woye elao, u mu pe onghenda komesho yomulumenhu ou.” Osheshi ame nda li omupindili wohamba.

GENESIS 32:28

Opo nee winya ta ti: “Ove ito ka ifanwa vali Jakob, ndelenee Israel. Osheshi ove wa kondja naKalunga novanhu, ndele wa dula.”

JOB 5:15

Ndelenee omukwanaluhepo Ye ote mu xupifa mo meongamukonda, te va kwafa mo meke lomulumenhu omunaenghono.

JOB 5:16

Onghee hano omukwanaluhepo e neteelelo, nouhenouyuki u nokumwena.

DANIEL 1:10

Ndele omukulunhu womalenga okwa tya kuDaniel: “Ame ohandi tila omwene wange ohamba, ou e mu tokolela eendja deni nokunwa kweni, ngeenge ta mono oipala yeni ya vatuka, i dulike koipala yovamati vakweni vepupi leni, osho ngaha tamu twalifa omutwe wange moshiponga kohamba.”

ESTER 2:9

Nokakadona oko e ka panda ndele ka filwa onghenda kuye. Onghee hano okwa endelela oku ka pa omivavo dokuwapaleka, neendja de ka wapalela ndele e ka pa ovapiya ovakainhu vaheyali, va hoololwa vomongulu yohamba. Nokwe ka tula pamwe novapiya vako medimo liwa longulu yovakainhu.