2 EEHAMBA 2:4 - Ombibeli Iyapuki

⁴ Ndele Elia okwe mu lombwela: “Elisa, kala apa, osheshi Omwene okwa tuma nge kuJeriko.” Ndelenee ye okwa nyamukula: “Oshili, ngaashi Omwene e nomwenyo, noshili ngaashi ove u nomwenyo, itandi ku fii po!” Ndele ve uya kuJeriko.

2 EEHAMBA 2:4 Referans Kwoze

2 EEHAMBA 2:2

Ndele Elia okwa lombwela Elisa: “Kala apa, osheshi Omwene okwa tuma nge fiyo okuBetel.” Ndelenee Elisa okwa nyamukula: “Oshili, ngaashi Omwene e nomwenyo, noshili ngaashi ove u nomwenyo, itandi ku fii po.” Ndele va ya kuBetel.

JOSUA 6:26

Mefimbo tuu olo Josua okwa anifa eano neendjovo edi: “Na fingwe koshipala shOmwene omulumenhu ou ta ka hovela okutungulula oshilando eshi shaJeriko. Mokutunga kwaye ekanghameno oshiveli shaye nashi fye ndele mokutula mo oivelo onghelo nai fye.”

LUKAS 19:1

Ndele Ye okwe uya muJeriko, ndele okwa pitilila mo.

2 EEHAMBA 4:30

Ndelenee ina yokaana ta ti: “Oshili, ngaashi Omwene e nomwenyo, nave u nomwenyo, itandi ku fii po.” Ndele Elisa okwa fikama ndele te mu shikula.

1 EEHAMBA 16:34

Pomafiku aye Hiel wokuBetel okwa tungulula Jeriko. Ye eshi a tunga ekanghameno lasho, oshiveli shaye Abiram osha fya. Ndele eshi kwa li ta diki omivelo dasho, odo de mu kufa onghelo yaye Segub, pandjovo yOmwene, e i lombwelifa Josua yaNun.

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.

OILONGA YOVAYAPOSTOLI 2:42

Ndele vo ova diinina okukala melongo lovayapostoli nomekwatafano lavo, nomokupambula omungome nomokwiilikana.

1 SAMUEL 1:26

Ndele ye ta ti: Akutu, omwene wange, oshili, ngaashi u nomwenyo aame omukainhu winya nda li ofika apa pwoove ndele handi indile kOmwene.

JOSUA 6:1

Ndelenee Jeriko osha idila po oshivelo ndele sha kala sha idilwa molwovana vaIsrael. Inamu pita nande omunhu ndele inamu ya nande omunhu.

RUT 1:16

Ndelenee Rut ta ti: “Ino lombwela nge, ndi ku fiye po ndi shune ko ndiha ye naave. Osheshi keshe apa to i, naame yo ohandi ka ya ko, ndele keshe apa ho kala, naame yo ohandi ka kala ko. Oshiwana shoye osho oshiwana shange, naKalunga koye Oye Kalunga kange.