2 EEHAMBA 1:4 - Ombibeli Iyapuki

⁴ Onghee hano Omwene ta ti ngaha: ‘Kombete oko wa londa ko, ito londoloka vali, osheshi ove u nokufya shili.’ ” Ndele Elia okwa ya.

2 EEHAMBA 1:4 Referans Kwoze

HESEKIEL 18:4

Taleni, eemwenyo adishe odange. Omwenyo waxe nosho yo omwenyo womona, do odange. Omwenyo ou tau nyono u nokufya.

GENESIS 3:4

Opo nee eyoka ola tya komwalikadi: “Nye itamu fi shili.

GENESIS 2:17

ndelenee omuti wokushiiva ouwa nowii, ino u lya. Osheshi efiku tuu olo to u li, ou na okufya shili.”

OMAYELETUMBULO 11:19

Ouyuki washili tau twala komwenyo, ndelenee ou ha shikula owii, ota shikula efyo.

2 EEHAMBA 1:16

ndele te i lombwele: “Omwene ta ti ngaha: ‘Ove eshi wa tuma ovatumwa kuBaal-Sebub oshikalunga shaEkron u mu pule, owe shi ninga ngeno shaashi kape na Kalunga mbela muIsrael u pule ondjovo yaye? Onghee hano ito ka penduka vali mombete muyo wa londa ko, osheshi ove oto ka fya shili.’ ”

1 SAMUEL 28:19

NOmwene ota ka yandja Israel pamwe naave meke lOvafilisti, ndele mongula ove novana voye ovamati otamu ka kala pwaame. Omatanga ovakwaita Ovaisraeli Omwene te ke a yandja momake Ovafilisti.”

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

2 EEHAMBA 1:6

Ndele vo otave mu nyamukula: “Omulumenhu umwe e tu shakeneka nokwe tu lombwela: ‘Shuneni komwene weni, ou e mu tuma, ndele mu lombweleni: Omwene ta ti ngaha: “Shaashi kape naKalunga muIsrael mbela, ove to tumu kuBaal-Sebub, u pule oshikalunga shaEkron? Onghee hano kombete oko wa londa ko, ito ka londoloka ko vali, osheshi to ka fya shili.” ’ ”

1 EEHAMBA 14:12

Hano fikama u shune keumbo leni. Eemhadi doye nge tadi ka lyata moshilando, okaana taka fi.

NUMERI 26:65

Osheshi Omwene okwe va tongele: Vo ve nokufila mombuwa. Ndele muvo inamu fyaala nande umwe, Kaleb yaJefunne naJosua yaNun, ovo aveke.

2 EEHAMBA 1:5

Novatumwa eshi va aluka, ye ote va pula: “Omolwashike tamu aluka divadiva?”

1 EEHAMBA 18:2

Ndele Elia okwa ya a ka monike kuAhab. Nondjala ya li idjuu muSamaria.

2 EEHAMBA 8:10

Ndele Elisa okwe mu nyamukula: “Inda u ka tye kuye: ‘Oshili, ove oto ka veluka ngeno,’ ashike nee Omwene a shiivifila nge nokutya, yo otai ka fya shili.”

2 EEHAMBA 20:1

Pomafiku enya Hiskia okwa hangika koudu mudjuu wokufya. Nomuxunganeki Jesaja yaAmos, e uya kuye ndele te mu lombwele, ta ti: “Omwene ta ti: Lilongekida eumbo loye, osheshi oto ka fya, ndee ito kala nomwenyo.”