2 EEHAMBA 1:3 - Ombibeli Iyapuki

³ Ndelenee omweengeli wOmwene okwa lombwela Elia, Omutisbi, ta ti: “Fikama, u ka shakene novatumwa vohamba yaSamaria, ndele va lombwela: ‘Kape naKalunga muIsrael mbela, nye eshi tamu i mu ka pule kuBaal-Sebub, oshikalunga shaEkron?’

2 EEHAMBA 1:3 Referans Kwoze

1 EEHAMBA 17:1

Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.”

JONA 2:8

Ovo tava fimaneke oikalunga yongaho, otava ekeleshi ou te va filonghenda.

OMAPSALOME 76:1

Kalunga okwa shiivika apeshe muJuda, edina laye linene muIsrael.

OILONGA YOVAYAPOSTOLI 8:26

Ndele omweengeli wOmwene okwa lombwela Filippus ndele ta ti: “Fikama, u ye lwokoumbuwanhu kondjila inya ya dja kuJerusalem ndele tai i kuGasa”. Oyo ihai endwa unene.

MARKUS 3:22

Novanongo vomishangwa ovo va dja kuJerusalem ova tya: “Ye oku kwetiwe kuBelsebul, neendemoni ote di te mo neenghono domukulunhu weendemoni.”

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

2 EEHAMBA 1:8

Ndele vo ve mu nyamukula: “Omulumenhu e nelwakani lolududi nomwiya moshiya shaye.” Opo nee ye ta ti: “Oye Elia, Omutisbi.”

2 EEHAMBA 1:6

Ndele vo otave mu nyamukula: “Omulumenhu umwe e tu shakeneka nokwe tu lombwela: ‘Shuneni komwene weni, ou e mu tuma, ndele mu lombweleni: Omwene ta ti ngaha: “Shaashi kape naKalunga muIsrael mbela, ove to tumu kuBaal-Sebub, u pule oshikalunga shaEkron? Onghee hano kombete oko wa londa ko, ito ka londoloka ko vali, osheshi to ka fya shili.” ’ ”

2 EEHAMBA 1:2

Ndele Ahasia okwa wa mombululu yekende lomondjuwo yaye yopombada muSamaria ndele ta vele. Opo nee ta tumu ovatumwa ndele ta ti kuvo: “Indeni mu ka pule Baal-Sebub, oshikalunga shaEkron, ngeenge handi ka veluka tuu koudu tuu ou?”

1 EEHAMBA 21:17

Ndelenee ondjovo yOmwene ye uya kuElia, Omutisbi, ndele tai ti:

1 EEHAMBA 19:7

Nomweengeli wOmwene e uya vali lutivali ndele te mu kumu, ta ti: “Penduka u lye, osheshi ondjila oyo ile u nokuya nayo, ihe ku nyenge.”

1 EEHAMBA 19:5

Opo nee a ka nangala ndele ta kofa moshixwa. Ndele tala, omweengeli e mu kuma ndele ta ti kuye: “Penduka, u lye!”

1 EEHAMBA 18:36

Ndele otundi eshi ya fika, eendjayambo da li di nokuyambwa, omuxunganeki Elia okwa ehena ko ndele ta ti: “Omwene, Kalunga kaAbraham, Isak naJakob, nena eli liholola kutya oove Kalunga wa kala muIsrael, naame omupiya woye ndele oinima aishe ei nde i ninga pandjovo yoye.

1 EEHAMBA 18:1

Ndele eshi pa pita efimbo lile, momudo omutitatu, ondjovo ei yOmwene ye uya kuElia ndele tai ti: “Inda, u ka monike kuAhab, opo Ame ohandi ka lokifila edu odula.”

1 SAMUEL 17:46

Onena eli Omwene te ku yandje meke lange, opo ndi ku dipae ndele ndi kufe po omutwe woye ndele ndi shiive okuyandja oimhu yovakwaita Ovafilisti keedila dokeulu nokoifitukuti yokombada yedu, opo edu alishe li shiive nokutya, Israel e naKalunga.

2 EEHAMBA 5:8

Ndelenee Elisa, omulumenhu waKalunga, eshi a uda nokutya, ohamba yaIsrael ya pombaula oikutu yayo, okwa shiivifila ohamba: “Omolwashike ove wa pombaula oikutu yoye? Ne uye ashike kwaame, opo a shiive nokutya, muIsrael omu nomuxunganeki.”

1 EEHAMBA 11:33

osheshi ova efa nge, ndele ve linyongamena koshipala shaAstarte, kalungakadona kOvasidoni nomoipafi yaKemosh, oshikalunga shOvamoab nomoipafi yaMilkom, oshikalunga shovana vaAmmoni, ndelenee inava enda neendjila dange ndele inava wanifa eenghedimhango dange nomalombwelo ange ngaashi David, xe yaSalomo.

JESAJA 8:19

Nongeenge tamu lombwelwa kutya, puleni eemhepo doonakufya neemhule hadi sheketa nohadi ngungutula mokanya, oshiwana itashi pula ngeno Kalunga kasho? Ovanamwenyo otava pulilwa sha mbela koonakufya?