1 EEHAMBA 3:9 - Ombibeli Iyapuki

⁹ Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

1 EEHAMBA 3:9 Referans Kwoze

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

OMAYELETUMBULO 16:16

Okulilikolela ounongo ku dule unene oshingoldo nokulikongela eendunge ku dule oshisiliveli.

OVAHEBERI 5:14

Ndelenee eendja da pama odaava va kula, ava tava dulu kokwiika okutongola ouwa nowii.

JOHANNES 5:30

“Mwaame mwene ihandi dulu okulonga nande sha. Ongaashi handi udu, osho handi tokola; netokolo lange ola yuka, osheshi Ame ihandi shikula ehalo lange mwene, ndelenee ehalo laau a tuma nge.

2 SAMUEL 14:17

Omupiya woye omukainhu okwa diladila vali: Ondjovo yomwene wange ohamba tai ka tulumukifa nge. Osheshi omwene wange ohamba i li ngaashi omweengeli waKalunga, a shiiva ouwa nowii. NOmwene Kalunga koye na kale naave!”

1 OMAFIMBO 22:12

Omwene ne ku pe omayele neendunge, ne ku ninge omupangeli wOvaisraeli u diinine omhango yOmwene Kalunga koye.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

OVAEFESO 5:17

Onghee hano inamu kala muhe neendunge, ndele shiiveni ehalo lOmwene olilipi.

OMAPSALOME 119:144

Omahepaululo oye oo ouyuki fiyo alushe. Pe nge omayele, opo ndi kale nomwenyo.

OMAPSALOME 119:34

Nongopalife nge, ndi shiive okuwanifa omhango yoye, ame ndi i lalakanene nomutima aushe.

2 OVAKORINTO 3:5

hafye vene tu shiive ngeno okudiladila sha meenghono detu vene, ndelenee eshi hatu shi dulu, otashi di kuKalunga.

MATEUS 3:14

Ndelenee Johannes okwe mu anya ndele ta ti: “Ame onda pumbwa okushashwa kwoove, ndelenee ove to uya kwaame!”

OMUUDIFI 7:11

Ounongo u fike pamwe noshifyuululwatukulwa nekwafo laava hava tale etango.

OMAYELETUMBULO 20:12

Okutwi haku udu ko, neisho tali mono ko, oyo aishe ivali Omwene e i ninga.

2 OMAFIMBO 1:10

Pe nge hano paife ounongo nomayele opo ndi dule okufikama nokwaaluka komesho yoshiwana eshi. Osheshi olyelye ta dulu okupangela oshiwana eshi shinene?”

1 OMAFIMBO 29:19

ndele pa omumwange Salomo omutima umwe a diinine oipango yoye neendobwedi doye neenghedimhango doye, opo a ninge ashishe nokutunga ouhamba oo nde u longekida.”

OVAFILIPPI 1:10

mu shiive okutongola oinima ei iwa unene, mu kale fiyo okefiku laKristus mwa koshoka, nye muha limbilike nande omunhu,

2 OVAKORINTO 2:16

kwaava edimba lefyo okefyo, ndele kwaavenya edimba lomwenyo olokuyandja omwenyo. Ndele olyelye ou a wanena eshi?

MATEUS 3:11

Ame ohandi mu shashe nomeva mu lidilulule, ndelenee ou ta di konima yange, e dule nge eenghono, ame inandi wana nande oku mu humbatela eenghaku daye. Oye te mu shashe nOmhepo Iyapuki nomundilo.

OMUUDIFI 7:19

Ounongo tau kwafa omunongo nekwafo linene li dule ovapangeli omulongo vomoshilando.

JEREMIA 1:6

Opo nee ame onda tya: “Akutu Omwene Kalunga! Tala, ame kandi shii kupopya, osheshi aame omunyasha.”

OMAYELETUMBULO 14:8

Ounongo womunaendunge oo okushiiva ondjila yaye, ndelenee oulai wovashima oo ekengelelo.

OMAPSALOME 119:73

Omake oye okwa shita nge, a wapeka nge. Longe nge omayele, ndi lilonge oipango yoye.

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

1 EEHAMBA 3:10

Ndele osho sha wapalela Omwene, Salomo eshi a indila ngaha.

1 EEHAMBA 10:24

Nounyuni aushe wa li wa hala okumona oshipala shaSalomo va pwilikine ounongo waye, Kalunga e mu pa momutima waye.

JEREMIA 45:5

Ndele ove oto lihalele oinima inene? Ino i lihalela. Osheshi tala, ombelela keshe Ame ohandi i etele omupya, Omwene osho ta ti. Ndelenee ove ohandi ku pe omwenyo woye oshihakanwa, keshe apa to i.”

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.