1 EEHAMBA 21:8 - Ombibeli Iyapuki

⁸ Opo nee ye a shanga onhumwafo medina laAhab nokwe i hakifa noshihako shaye nokwa tuma onhumwafo kovakulunhu novanamadina vomoshilando shaNabot, ndele va kala pamwe naNabot.

1 EEHAMBA 21:8 Referans Kwoze

NEHEMIA 6:5

Opo nee Sanballat a tumina nge omutumwa olutitano panghedi oye e nonhumwafo inai tuvikwa meke laye.

ESRA 4:11

Eshangululo eli lonhumwafo oyo ve i tumina: kohamba Artasasta: “Ovapiya voye ovalumenhu ve li kouninginino waEufrat, otave ku kundu.

2 OMAFIMBO 32:17

Ndele yo oya shanga yo onhumwafo i sheke Omwene Kalunga kaIsrael nokupopya Omwene nokutya: “Ngaashi oikalunga yoiwana yoilongo ya nyengwa okuxupifa oiwana yayo meke lange, osho yo Kalunga kaHiskia ita ka xupifa ovanhu vaye meke lange.”

2 EEHAMBA 10:11

Opo nee Jehu a dipaa aveshe vomepata laAhab la xupa la li muJisreel, novanenenhu aveshe vaye novalineekelwa vaye novapristeli vaye, fiyo inapa xupa nande umwe ou a xupifwa.

1 EEHAMBA 21:1

Ndele konima yoinima ei pa ningwa, Nabot, Omujisreel, okwa li e noshikokola shomiviinyu muJisreel, sha shaama nongulu youhamba waAhab, ohamba yaSamaria.

1 EEHAMBA 20:7

Opo nee ohamba yaIsrael ya ifana ovakulunhu aveshe voshilongo ndele tai ti: “Dimbulukweni, mu tale, nhumbi ye te tu etele omupya osheshi a tuma kwaame a kufe nge ovalikadi vange, novana vange noshisiliveli shange noshingoldo shange. Ndelenee ame inandi i mu anyena.”

NUMERI 11:16

Opo nee Omwene okwa lombwela Moses ndee ta ti: “Ifanene nge ovalumenhu omilongo heyali vomovakulunhu vaIsrael, ava u shii vo ve li ovakulunhu vovanhu novapashukili, ndele va eta ketwali leongalo, ndee va kaleka ko ofika pamwe naave.

MATEUS 27:66

Ndele vo ova ya ndele va idilifa po emanya noshihako ndele va nangeka ovanangeli pombila.

RUT 4:2

Opo nee Boas a kufa ovalumenhu omulongo vomovakulunhu voshilando, ndele te va lombwele: “Kaleni omutumba apa.” Vo ova kala omutumba.

1 EEHAMBA 21:9

Ndele monhumwafo okwa shanga ngaha: “Ingideni efiku lelidiliko, naNabot na kale omutumba komesho mokati kovanhu.

RUT 4:11

Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem!